QR Premer-Ministriniń orynbasary Eraly Toǵjanovtyń tóraǵalyǵymen áleýmettik áriptestik jáne áleýmettik pen eńbek qatynastaryn retteý jónindegi respýblikalyq úshjaqty komissiianyń kezekti otyrysy ótti. Otyrys sheńberinde eńbek qatynastaryn retteý máselesi qaraldy, dep habarlaidy "Ult aqparat" Úkimettiń baspasóz qyzmetine silteme jasap.
Áleýmettik-eńbek daýlarynyń aldyn alý jáne olardy sheshý boiynsha qabyldanyp jatqan sharalar týraly QR eńbek jáne halyqty áleýmettik qorǵaý birinshi vitse-ministri Aqmádi Sarbasov baiandady.
Sondai-aq munai-gaz salasyndaǵy jaǵdaiǵa erekshe nazar aýdaryldy. 64 kásiporynda sheteldik jumys kúshin tartý jáne tekserýler júrgizý jónindegi másele qaraldy. Eńbekaqy tóleýdegi kemsitýshilik boiynsha – 180, sheteldikterdiń ruqsattarda kózdelmegen jumystardy oryndaýy boiynsha – 225 jáne kadrlardyń araqatynasy saqtalmaý boiynsha – 214 oqiǵa oryn alǵan.
Júrgizilgen jumys qorytyndysy boiynsha 228 jumys berýshi ákimshilik jaýapkershilikke tartyldy, sheteldik jumys kúshin tartýǵa 266 ruqsat keri qaitaryp alyndy, bul otandyq qyzmetkerlerdiń eńbek quqyqtaryn qalpyna keltirýge yqpal etti.
Qyzmetkerlerdiń jalaqysy jáne áleýmettik tólemder boiynsha bereshek týraly másele qaraldy.
Biyl jyl basynan beri qabyldanǵan sharalardyń nátijesinde 11 myńnan astam jumyskerdiń jalaqy boiynsha 3,1 mlrd teńge bereshegin óteý qamtamasyz etildi.
Sonymen qatar búgingi kúni jyl basymen salystyrǵanda mindetti zeinetaqy jarnalary men áleýmettik aýdarymdar boiynsha bereshektiń jalpy somasy 1,5 mlrd teńgege, iaǵni 33%-ǵa tómendegeni baiqalady.
Eńbek qatynastarynyń problemalyq máseleleri áleýmettik áriptestik, áleýmettik jáne eńbek qatynastaryn retteý jónindegi óńirlik úshjaqty komissiialardyń otyrystarynda qaralady. Birinshi jartyjyldyqta ǵana oblystyq jáne aýdandyq komissiialardyń 1 myńnan astam otyrysy ótkizildi.
Júrgizilgen jumystardyń nátijesinde 1,8 myń kásiporyn áleýmettik jaýapkershilik tanytyp, 1,2 mln astam jumyskerdiń jalaqysy 5%-dan 50%-ǵa deiin kóterildi.
Jyl basynan beri elimizdiń kásiporyndarynda 567 adam jaraqat aldy, bul ótken jyldyń sáikes kezeńine qaraǵanda 4,5%-ǵa az (2021 jylǵy 1 shildedegi jaǵdai boiynsha – 687 adam).
Premer-Ministrdiń orynbasary ortalyq jáne jergilikti atqarýshy organdarǵa birqatar naqty tapsyrmalar berdi:
- Memleket basshysynyń otandyq jáne sheteldik qyzmetkerlerdiń jalaqysyndaǵy sáikessizdikti boldyrmaýǵa qatysty tapsyrmasyn iske asyrý jónindegi jumysty kúsheitý, sondai-aq osy buzýshylyqtarǵa jol bergen jumys berýshilerge qatysty sharalar qabyldaý;
- eńbek daýlarynyń aldyn alý jáne boldyrmaý boiynsha aldyn alý sharalaryn qabyldaý;
- mindetti zeinetaqy jarnalary men áleýmettik aýdarymdar boiynsha bereshekti azaitý jónindegi jumysty kúsheitý;
- jumys isteitin azamattardyń tabysyn arttyrý boiynsha jumysty jandandyrý.
Budan basqa, komissiia músheleri kásiporyndarda eńbek qaýipsizdigi men eńbekti qorǵaýdy qamtamasyz etýge jaýapty qyzmetkerlerdiń jalpy jáne arnaiy kásiptik quzyretterin damytý jónindegi oqý baǵdarlamalaryn maquldap, paidalanýǵa usyndy.
Oqý baǵdarlamalary jaýapty qyzmetkerlerdiń jalpy jáne arnaiy kásibi quzyretterin damytý úshin qajetti modýlder men oqytý taqyryptarynan turady.
Jalpy kásiptik quzyretterdi damytý jónindegi oqý baǵdarlamasy eńbekti qorǵaýdyń normativtik negizderin, eńbekti qorǵaýdy basqarýdaǵy jalpy tásilderdi, eńbekti qorǵaý salasyndaǵy halyqaralyq normalardy qamtidy, al arnaiy kásiptik quzyretterdi damytý jónindegi oqý baǵdarlamasy ekonomikalyq qyzmet túriniń ereksheligin, eńbektiń óndiristik jaǵdailaryn eskere otyryp, eńbekti qorǵaýdy normativtik retteýdiń salalyq ereksheligin qamtidy.
Sondai-aq komissiia músheleri biznestiń áleýmettik jaýapkershiligi jónindegi «Paryz» jáne «Eńbek joly» konkýrstaryn ótkizýdi uiymdastyrý sharalaryn talqylady.
Eńbek ministrliginiń aqparatyna sáikes «Paryz» konkýrsyna qatysýǵa 337 kásiporyn ótinim bergen, al «Eńbek joly» konkýrsyna qatysýǵa 418 eńbek áýleti men jumys isteitin azamattar niet bildirgen.
Toǵjanov mundai is-sharalardy ótkizý kásipkerlerdiń áleýmettik jaýapkershiliginiń oń tájiribesin kórsetip, túrli qyzmet salalaryndaǵy úzdik qyzmetkerlerdiń eńbegin keńinen taratatynyn atap ótti.
