QR Indýstriia jáne infraqurylymdyq damý ministri mindetin atqarýshy Qaiyrbek Óskenbaev Qazaqstandaǵy meditsinalyq maska men dezinfektsiialyq qural óndirisin baiandady, dep habarlaidy "Ult aqparat".
«Meditsinalyq betperdelerdiń táýliktik óndirisin 1 mln danaǵa jetkizdik. Atap aitqanda, kún saiyn farmatsevtikalyq kásiporyndar – 325 myń dana, tigin kásiporyndary – 680 myń dana maska tigedi. Farmatsevtikalyq kásiporyndar ónimi «SQ-Farmatsiia» JShS arqyly taratylady. Al tigin kásiporyndarynyń 680 myń maskany jergilikti ákimshilikter ózderi taratady», - dedi Q. Óskenbaev Ortalyq kommýnikatsiialar qyzmetinde ótken brifingte.
Sondai-aq, elimizde kún saiyn 85 180 litrden astam dezinfektsiialyq qural shyǵarylady.
«Qazirgi ýaqytta qoimalarda 158 380 litr dezinfektsiialyq qural bar. Dárihana jelilerin, kósheler men úi-jailardy dezinfektsiialaý úshin 65 109 litri tielgen. Iaǵni, bizdiń ishki zaýyttarda dezinfektsiialyq qural tolyq shyǵarylady. Qansha kólemde dezinfektsiialyq qural kerek bolsa, sonshalyqty shyǵarýǵa múmkindigimiz bar», - dedi vedomstvo ókili.
