QR bas memlekttik sanitar dárigeriniń jańa qaýlysy boiynsha koronavirýs infektsiiasynan qaitys bolǵan adamnyń denesin jerleý rásimine daiyndaý úshin 2 týysqany qatysa alatyn boldy, dep habarlaidy "Ult aqparat".
Jańa qaýlyda COVID-19-dan qaitys bolǵan adamdardyń máiitterin jerleý algoritmi bylai dep kórsetilgen.
1. Deneni ashý meditsinalyq uiymda biologiialyq ólim anyqtalǵannan keiin alǵashqy táýlikte júrgiziledi.
2. Diagnozdy, ólimniń sebepterin jáne gistologiialyq jáne zerthanalyq zertteýdiń basqa da túrlerine biologiialyq materialdy alý maqsatynda qaitys bolǵan adamnyń denesi patologoanatomiialyq bólimshege tasymaldanady.
3. Qalalyq jáne oblystyq qoǵamdyq densaýlyq basqarmalary COVID-19-dan qaitys bolǵan adamdardyń máiitterin patologoanatomiialyq zertteý júrgiziletin patologoanatomiialyq diagnostikany júzege asyratyn uiymdardy anyqtaidy.
4. Deneni daiyndaýǵa balalar, qarttar (60 jastan asqan) jáne sozylmaly patologiiasy bar adamdar (tynys alý aýrýlary, júrek-tamyr aýrýlary, qant diabeti nemese immýndyq júiesi álsiregen) qatyspaýy kerek.
5. Deneni daiyndaýǵa arnalǵan úi-jaidaǵy better aldymen sabyndy sýmen nemese ónerkásiptik óndiristiń daiyn jýý quralymen óńdeledi, sodan keiin nusqaýlyqtarǵa sáikes dezinfektsiialaý quralymen óńdeledi.
6. Adamdar arasynda 2 metrden kem emes qashyqtyqty saqtai otyryp, respirator, bir ret qoldanylatyn meditsinalyq halat, qolǵaptar, bahilal siiaqty jeke qorǵanysh quraldaryn paidalana otyryp, jýý kezinde qaitys bolǵan adamnyń 2 adamnan artyq emes týysqanynyń bolýyna jol beriledi.
7. Tabytsyz kómgen kezde (ulttyq ádet-ǵuryp boiynsha) dezinfektsiialaý eritindisimen jýady jáne dezinfektsiialaý eritindisi sińirilgen mataǵa (savan, «kebin») oraidy. Sodan keiin dene polietilen plenkamen oralyp, tyǵyz mataǵa oralady. Jerleý kezinde savandy ashýǵa jáne qaitys bolǵan adamnyń betin ashýǵa tyiym salynady.
8. Tabytpen kómgen kezde (ulttyq ádet-ǵuryp boiynsha) qaitys bolǵan adamnyń máiiti dezinfektsiialaý eritindisi sińirilgen mataǵa oralady. Sodan keiin dene polietilen plenkamen oralyp, qaitadan tyǵyz mataǵa oralady. COVID-19-dan qaitys bolǵan adamnyń máiiti jerleitin jerge jabyq tabytpen tasymaldanady.
9. Jerleý is-sharalaryn ótkizý úshin (janaza, arýlaý jáne t.b.) týystarymen qoshtasý úshin máiitti berýge ruqsat etiledi. Dini saltqa tek bir ǵana dini qyzmetkerdiń qatysýyna jol beriledi. Bul rette dini qyzmetshi men týystary qaitys bolǵan adamnyń denesin ustamaidy.
10. Prozektýradan keiin dene máiitti tasymaldaý jáne jerleý kezinde bioqaýipsizdik sharalaryn saqtaýdy túsindirý jáne tiisti qolhat alý arqyly qaitys bolǵan adamnyń týystaryna jerleýge beriledi.
11. Jerleýge qatysýshylar jeke qorǵanysh quraldaryn (maska, qolǵap) paidalanýy tiis. Jerleý barysynda kem degende 2 metr qashyqtyqty saqtaý qajet.
12. COVID-19 rastalǵan/nemese yqtimal diagnozy bar qaitys bolǵan adamnyń máiitin kómý jeke zirat bólmesten jalpy zirattarda júrgiziledi.
13. Qaitys bolǵan adamdy (COVID-19 rastalǵan/nemese yqtimal diagnozy) basqa qalalar men jerlerge tasymaldaýǵa QR DSM Sanitariialyq-epidemiologiialyq baqylaý departamentiniń kelisimi boiynsha ruqsat etiledi.
14. Eldiń aýmaǵynda SOVID-19-dan shetel azamattary qaitys bolǵan jaǵdaida máiitti tasymaldaý jáne ony kómý boiynsha barlyq is-sharalar Qazaqstan Respýblikasynyń qoldanystaǵy normativtik quqyqtyq aktilerine sáikes júzege asyrylady.
