Qazaqstannyń biologiialyq alýantúrlilikti saqtaý qaýymdastyǵy kiik tólderiniń ǵylymi málimetterin jinaýǵa erikti túrde kómek kórsete alatyn volonterlerdi izdestirip jatyr, dep habarlaidy "Ult aqparat".
Atalǵan qaýymdastyqtyń málimetinshe, mamyrdyń 4-19 kúnderi Qostanai men Aqtóbe oblystarynda kiiktiń Betpaqdala popýliatsiiasynyń, al mamyrdyń 5-21 kúnderi Batys Qazaqstan oblysynda Oral popýliatsiiasynyń tólderine sanaq júrgizý úshin úsh-úshten 6 volonterler kerek. Volenterler óńirlerge Nur-Sultan qalasynan shyǵady.
Volenterlerdiń negizgi mindetterine transektalarda kiiktiń jańa týǵan tólderin izdeý, salmaǵyn ólsheý, málimetterdi jazyp alý jáne qaýymdastyq mamandaryna qajetti ózge de kómek túrlerin kórsetý kiredi. Dalalyq lagerdegi jumys ýaqyty tańerteńgi 7-00-de bastalyp, keshki 17-00-ge deiin jalǵasady jáne kúnine 15 shaqyrymnan astam jol júredi.
Qaýymdastyq volonterlerdi elordadan dalalyq lagerlerge deiin kólikpen jetkizedi jáne jolda qonaq úi, tamaqtaný shyǵyndaryn kóterip, tósenishpen, uiyqtaýǵa arnalǵan matraspen qamtamasyz etedi.
Volonter bolǵysy kelgen azamattar myna siltemege ótip, ótinish toltyrýlary qajet. Laiyqty kandidatty tańdaǵannan keiin qaýymdastyq mamandary ózderi habarlasatyn bolady.
