Respýblika boiynsha koronavirýspen aýyrǵandardyń ishinde oqýshylardyń úles salmaǵy 0,2% aspaidy. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat
«Oflain oqytýdy birtindep iske qosýdy eskere otyryp, biz kún saiyn mektep oqýshylary arasyndaǵy syrqattanýshylyqqa monitoring júrgizemiz. Mektep oqýshylary arasynda aýyrǵan jaǵdaidy tirkeý jalǵasýda. Respýblika boiynsha koronavirýspen aýyrǵandardyń ishinde oqýshylardyń úles salmaǵy 0,2%-dan aspaidy. Qazirgi ýaqytta mektepterdegi karantindik sharalar aimaqtardaǵy syrqattanýshylyqty eskere otyryp jáne jeke mekteptegi jaǵdaidy eskere otyryp qabyldanady» - deidi QR Densaýlyq saqtaý ministri Aleksei Tsoi.
Onyń aitýynsha, bilim berý mekemelerin offlain oqýǵa daiyndaý maqsatynda karantin rejiminiń talaptaryna sáikestigine qatysty 3266 tekserý júrgizilip, 282 mektepte (8,6%) zań buzýshylyqtar anyqtaldy. Qazirgi ýaqytta barlyq anyqtalǵan buzýshylyqtar joiyldy.
«Sonymen qatar, offlain rejimde oqityn stýdentterdiń kóbeiýine bailanysty, aimaqtardyń ákimderi sanitarlyq-epidemiologiialyq talaptardyń saqtalýyna jáne KVI-diń aldyn alý boiynsha negizgi is-sharalardyń oryndalýyna turaqty baqylaýdy qamtamasyz etýi qajet. Mysaly, bilim berý uiymdary tańerteńgi «súzgiden» ótkizý, qyzmetkerlerdiń maska rejimin saqtaýy, ylǵaldy tazalaý, dezinfektsiialaý jáne basqa sharalar atqarylýy kerek», - deidi ol.
