Óńirde bitimgershilik oqý-jattyǵýy bastaldy, dep habarlaidy "Ult aqparat" Qorǵanys ministrligine silteme jasap.
Alǵash ret keshendi bitimgershilik oqý-jattyǵýy N.Tilendiev aýylyndaǵy oqý-jattyǵý ortalyǵy bazasynda ótkizildi.
Oǵan Desanttyq-shabýyldaý áskerleriniń, Áskeri-áýe kúshteriniń, Áskeri politsiianyń, áskeri meditsinalyq mekemelerdiń, sondai-aq QR Qarýly Kúshterin minasyzdandyrý ortalyǵynyń bólimsheleri qatysady.
Bul oqý-jattyǵý bitimgershilik kúshterdiń daiyndyq deńgeiin baǵalaý, áskeri qyzmetshilerdiń beibitshilikti qamtamasyz etý jónindegi mindetterdi oryndaýdy uiymdastyrýdaǵy daǵdylaryn jetildirý maqsatynda ótkiziledi.
Bitimgershilik bólimsheleriniń jeke quramy baqylaý-ótkizý jáne baqylaý pýnktterinde qyzmet atqarý, jergilikti jerler men eldi mekenderdi patrýldeý, mańyzdy nysandardy kúzetý jáne minasyzdandyrý jónindegi mindetterdi pysyqtaidy.
Oqý-jattyǵý ótip jatqan oqý ortalyǵy jeke quramdy oqytýǵa, bitimgershilik missiiany oryndaý kezinde áskeri qyzmetshilerge qajetti negizgi daǵdylardy ázirleýge arnalǵan poligon bolyp tabylady. Atalmysh poligonda «Qazpolk» bólimsheleri, BUU qamqorlyǵymen álemniń túrli núktelerine jiberý úshin qurama kontingent, sondai-aq áskeri baqylaýshylar retinde shetelge jiberiletin ofitserler áskeri oqýdan ótedi.
Oqý-jattyǵýǵa qatysýshylardyń arasynda bitimgershilik missiialarda tájiribe jinaǵan áskeri qyzmetshiler de bar. Halyqaralyq mindetter men mindettemelerdi oryndaý, sheteldik áriptestermen ózara is-qimyl jáne tájiribe almasý protsesinde alǵan qundy bilim men daǵdylar Qarýly Kúshterde, onyń ishinde osyndai oqý-jattyǵýlar barysynda qoldanylady.
Keshendi bitimgershilik oqý-jattyǵý 8 qazanyna deiin jalǵasady.
