2020 jylǵy toǵyz aida baǵa azyq-túlik taýarlaryna – 7,4%, azyq-túlik emes taýarlaryna – 3,9%, aqyly qyzmetterge 2,5% joǵarylady. Bul týraly Statistika komiteti habarlady.
Bir aida (2020 jylǵy qyrkúiek 2020 jylǵy tamyzǵa) baǵanyń ósýi jumyrtqaǵa – 4,4%, qumshekerge – 1,5%, makaron ónimderine – 1%, unǵa, siyr etine, shaiǵa, muzdatylǵan balyqqa – 0,9%-dan, jylqy etine – 0,8%, shujyq ónimderine – 0,7%, qoi etine, sary maiǵa, máiekti irimshikke, – 0,6%-dan, nanǵa, kúrishke 0,4%-dan belgilendi. Salqyndatylǵan sýsyndar – 1%, mineraldy jáne as sý – 0,6%, temeki ónimderi – 0,5%, alkogoldi sýsyndar 0,4% qymbattady. Baǵanyń tómendeýi jańa jinalǵan kókónisterge – 5,5%, jemisterge – 2,1%, sókke 0,7% tirkeldi.
Baǵa ósimi keńse taýarlarǵa – 1%, uialy telefonǵa, planshetke – 0,8%-dan, noýtbýkterge – 0,7%, toqyma buiymdaryna – 0,6%, dári-dármekke, jýǵysh jáne tazalaǵysh quraldarǵa, turmystyq aspaptarǵa, kiim jáne aiaq kiimge – 0,5%-dan, avtomobilderge 0,4% qurady. Tas kómir – 0,9%, aǵash 0,3% qymbattady.
Baǵa deńgeii bilim berý qyzmetterine – 2,3%, shashtarazdar men jeke qyzmet kórsetý oryndarynyń qyzmetterine – 0,6%, qoǵamdyq tamaqtandyrý qyzmetterine – 0,5%, densaýlyq saqtaý qyzmetterine 0,4% ósti. Áýe kóligimen jol júrý aqysy 1% qymbattady, al jolaýshylardyń temir jol kóligimen 0,3% arzandady.
Turǵyn úi-kommýnaldyq qyzmetter salasynda tarifter elektr energiiasyna – 1,7%, ystyq sýǵa 0,3% ósti, al kárizge – 0,5%, sýyq sýǵa 0,2% tómendedi.
