QR Aýyl sharýashylyǵy ministrligi óńirlerdiń azyq-túlik taýarlarynyń negizgi 32 sanatymen qamtamasyz etilýine apta saiyn monitoring júrgizip otyrady, dep habarlaidy "Ult aqparat" vedomstvonyń vedomstvonyń baspasóz qyzmetine silteme jasap.
Monitoring barysynda turaqtandyrý qorlaryndaǵy, iri saýda jelilerindegi, jetkizýshiler men qaita óńdeý kásiporyndarynyń qoimalaryndaǵy qorlar apta saiyn baqylanady.
Óńirlerdiń 13 mamyrdaǵy derekteri boiynsha, respýblikada jalpy kólemi 1,2 mln tonna bolatyn túrli azyq-túlik taýarlar qory bar. Onyń ishinde óndirýshi kásiporyndarda – 625,2 myń tonna, qoimalarda – 173,2 myń tonna, saýda jelilerinde – 345,1 myń tonna, turaqtandyrý qorlarynda – 19,6 myń tonna qor bar.
Budan bólek, 319,9 mln dana jumyrtqa jáne 5,6 mln tonna azyq-túlik bidaiy bar.
«Aita ketý kerek, azyq-túlik óndirisi artyp keledi jáne qorlar únemi jańartylyp, tolyqtyrylyp otyrady. Sondyqtan, azyq-túlik tapshylyǵy joq jáne bolmaidy da»,-delingen habarlamada.
