Qazaqstanda alty farmatsevtikalyq kásiporyn meditsinalyq betperde shyǵarady, dep habarlaidy "Ult aqparat" Indýstriia jáne infraqurylymdyq damý ministrligine silteme jasap.
Atap aitqanda, «Dolce» (Almaty oblysy) - táýligine 60 myń dana; «Super-pharm» (Jambyl oblysy) - táýligine 70 myń dana; «Mega Pharma» JShS (Jambyl oblysy) - táýligine 50 myń dana; «Medical Active Group» JShS (Almaty qalasy) - táýligine 5-6 myń dana; «Merýsar» JShS (Pavlodar qalasy) - táýligine 5 myń dana; «TK-Farm Aktobe» JShS (Aqtóbe qalasy) - táýligine 15 myń dana.
QR Indýstriia jáne infraqurylymdyq damý ministrligine maska óndirisiniń kólemin táýligine 1 mln danaǵa deiin jetkizý tapsyrylǵan edi. Tigin kásiporyndaryn tarta otyryp, qazirde bul kórsetkishke qol jetti.
Buryn farmatsevtikalyq kásiporyndardyń qýaty - táýligine 170 myń dana bolsa, qazir 340 myńǵa jetti. Bul «Dolce» JShS óndirisin keńeitý esebinen boldy. Onda qysqa ýaqyt ishinde eki qosymsha stanok qoiylyp, qýatyn 3 ese, iaǵni 60 myńnan 180 myń danaǵa deiin ulǵaitty. Shikizattyń alǵashqy partiiasy Qytaidan 1 sáýirde ákelindi.
Memleket basshysynyń tapsyrmasyna sáikes kásiporyndar ónimin «SQ-Farmatsiia» JShS arqyly dárihanalar jelisi jáne óńirlerde qoimalary bar - «Akniet» JShS, «Medservis» JShS, «Amir jáne D» JShS, «Amanat» JShS, «Stofarm» JShS siiaqty iri distribiýtorlarǵa ortalyqtandyrylǵan negizde taratady. Atalǵan kásiporyndar maska baǵasyn 15% artyq ósirmeý týraly mindetteme alǵan.
