Elimizde 353 mádeniet nysany jetispeidi. Bul týraly QR Prezidenti janyndaǵy Adam quqyqtary jónindegi komissiia otyrysynda Mádeniet jáne sport ministri Aqtoty Raiymqulova aitty, dep habarlaidy QazAqparat.
«Jergilikti atqarýshy organdardyń aqparatyna sáikes, búginde respýblika óńirlerinde 353 mádeniet nysany, onyń ishinde 127 mádeniet úii, 113 kitaphana, 85 aýyldyq klýb, 10 teatr, 8 mýzei, 2 kontsert zaly jáne 2 mádeni-demalys uiymdary jetispeidi. Sonymen qatar, júrgizilgen taldaý mádeniet nysandaryn ońtailandyrýǵa bailanysty jergilikti atqarýshy organdar tarapynan mádeniet salasyndaǵy ǵimarattardy qysqartý úrdisi júrip jatqanyn kórsetedi», - dedi ministr
Máselen, ministrdiń aitýynsha, óńirlerde mádeniet uiymdaryn jappai biriktirý/qosý boiynsha tájiribe barlyq jerde qoldanylady. Sol arqyly turǵyndardyń mádeni qundylyqtarǵa qoljetimdiligi, ásirese monoqalalar men aýyldyq jerlerde shektelip otyr.
«Jergilikti atqarýshy organdarǵa turǵyndarǵa mádeniet uiymdarynyń, ásirese aýyldaǵy qyzmetterine qoljetimdilikti qamtamasyz etý maqsatynda monoqalalardaǵy, aýdandyq jáne aýyldyq deńgeidegi mádeniet uiymdary jelisiniń eń tómengi memlekettik normativterin saqtaý usynylady. Óz kezeginde, mádeniet uiymdarynyń qyzmetterine teń qoljetimdilikti qamtamasyz etý jastar tulǵasynyń damýyna oń áserin tigizedi. Balalar men jasóspirimderdiń áleýmettenýi men shyǵarmashylyq áleýetin damytýdy qamtamasyz etedi», - dedi Aqtoty Raiymqulova.
