QR IIM Qylmystyq politsiia departamentiniń kiberqylmysqa qarsy kúres ortalyǵy bastyǵynyń orynbasary Rústem Dúisetaev internettegi alaiaqtar týraly aitty, dep habarlaidy QazAqparat.
«Alaiaq satyp alýshylar jariialanǵan jarnamalardy kórip, ielerine habarlasady. Áńgime barysynda «satyp alýshy» taýardy alatynyn aityp, «eshkimge satpa» dep aldap, aldyn ala aqshanyń bir bóligin jiberetinin aityp sendiredi. Aqshany aýdaryp jiberý úshin plastik kartanyń nómirin jiberýdi ótinedi. Biraz ýaqyt ótkennen keiin taýar iesine qaita qońyraý shalyp, aqshany aýdarý úshin telefonǵa SMS kúiinde kelgen kodty jiberýdi suraidy. Basqa jaǵdaida bankomatqa kelip, taýar iesine qandai operatsiialardy júrgizý kerektigin túsindiredi», - deidi ol IIM-de ótken baspasóz máslihatynda.
Osylaisha, SMS arqyly kelgen kodty bilgennen keiin alaiaq internet-bankingke qosylý amalyn bilip alady.
«Máselen, Qostanai oblysynda osyndai alaiaqtyqqa qatysty 32 is qaralyp jatyr. Sol qylmystyń bári Resei aýmaǵynan jasalǵan. Azamattardyń shottarynan aldap shyǵarylǵan soma úshinshi adamnyń shotyna túsip otyrǵan. Reseilik áriptestermen birge qajetti sharalardy iske asyryp jatyrmyz», - dedi IIM ókili.
Sonymen qatar, Rústem Dúisetaev keibir azamattarǵa «banktiń ókilimiz» dep habarlasyp, tuzaqqa túsirip jatady.
«Keibir ákkileri tipti kartochkanyń shoty arqyly zardap shekkenderdiń depozitin «tazartyp» ketedi», - deidi ol.
