1 sáýirdegi jaǵdai boiynsha BJZQ-ǵa ýákiletti operatorlardan turǵyn úi jaǵdaiyn jaqsartý maqsatynda birjolǵy zeinetaqy tólemin júzege asyrýǵa 267 759 ótinish, emdelýge 4 263 ótinish kelip tústi.
Bul jaiynda Biryńǵai jinaqtaýshy zeinetaqy qorynyń baspasóz qyzmeti málimet taratty.
Investitsiialyq portfeldi basqarýshylarǵa aýdarýǵa 1 062 ótinish kelip tústi.
Ótinimderdiń qabyldanbaýynyń sebepteri:
1. Somalar durys kórsetilmegen, onyń ishinde zeinetaqy jinaqtarynyń somasy artyq kórsetilgen.
2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.
3. Salymshylar alýǵa bolatyn soma sheginde emes, zeinetaqy jinaqtarynyń búkil somasyn kórsetti.
4. Ótinimde ózekti emes somalar kórsetilgen, iaǵni salymshylar investitsiialyq tabystyń naryqtyq aýytqýyna bailanysty zeinetaqy jinaqtary somasyndaǵy ózgeristerdi eskermegen.
5. «BJZQ» AQ derekter bazasynda jeke zeinetaqy shottary jáne tiisinshe zeinetaqy jinaqtary joq tulǵalardan da ótinimder túsken.
6. Salymshylar qaitalaityn ótinimder bergen.
