Ekologiia, geologiia jáne tabiǵi resýrstar ministri Maǵzum Myrzaǵaliev jańa ekologiialyq kodekske sáikes, óndiris jáne tutyný qaldyqtary qalai óńdeletinin aityp berdi, dep habarlaidy "Ult aqparat".
«Bul baǵytta áli kóp jumys bar ekenin moiyndaý kerek. Damyǵan elder osy salada innovatsiialyq sheshimderge áldeqashan kóshken. Biz ázirge buǵan tek umtylýdamyz. Búgingi kúni elimizdiń 3,2 myń poligonynda 125 mln tonna qatty turmystyq qaldyq jinaqtalǵan. 2019 jyly qaldyqtardy qaita óńdeý úlesi 15 paiyzdy qurady. Alaida bul múlde az. Salystyrar bolsaq, damyǵan elderde bul kórsetkish 30%-dan asady», - dedi Maǵzum Myrzaǵaliev OKQ-da ótken baspasóz máslihatynda.
Osyǵan bailanysty zańnamalyq negizde qaldyqtardyń jinalýyn azaitý úshin WASTE TO ENERGY tehnologiiasyn qoldana otyryp, qaldyqtardy energetikalyq kádege jaratý tártibi engizigen. Bul tehnologiiaǵa sáikes qoqys órtelip, elektr qýaty shyǵarylady, sodan keiin ol jalpy elektr jelisine satylady.
«Búgin de 6 pilottyq qala anyqtaldy. Bul Aqtóbe, Almaty, Atyraý, Nur-Sultan, Taraz jáne Shymkent qalalary. Ákimdiktermen jer ýchaskeleri, infraqurylym jáne qaldyqtarmen kepildendirilgen júkteme máseleleri boiynsha suraqtar belsendi pysyqtalýda. Pilottyq jobalar tabysty iske asyrylǵan jaǵdaida, tájiribe basqa qalalarǵa da taratylady. Osy tehnologiianyń arqasynda biz 2025 jylǵa qarai qaita óńdeý deńgeiin 30%-ǵa, iaǵni orta eýropalyq deńgeige deiin jetkizemiz dep josparlaýdamyz», - dedi ol.
