Qazaqstanda lańkestikke, ekstremizm men zorlyq-zombylyqqa jol joq jáne egemendigimiz ben aýmaqtyq tutastyǵymyzǵa qol suǵýǵa jol berilmeidi. Bul týraly Ujymdyq qaýipsizdik keńesiniń kezekten tys sessiiasynda Memleket basshysy Qasym-Jomart Toqaev málim etti, dep habarlaidy QazAqparat.
«Qazaqstan azamattarynyń quqyǵy qorǵalatynyn erekshe aityp ótkim keledi. Biz lańkestikke, ekstremizm men zorlyq-zombylyqqa jol bermeimiz. Onyń ústine Qazaqstanda shabýylǵa esh jol joq. Bizdiń egemendigimiz ben aýmaqtyq tutastyǵymyzǵa qol suǵýǵa jol berilmeidi. Jáne Qazaqstan halyqaralyq mindetterin qatań saqtaidy. Qurmetti dostar, áriptester, qazirgi ýaqytta Qazaqstanda Konstitýtsiialyq tártip qalpyna keltirilip, qaita ornady. Elge tóngen qaýiptiń beti qaitaryldy. Búginde lańkestikke qarsy operatsiia aiasynda elge bolǵan jaǵdaiǵa qatysy barlardy anyqtap, tabý jumysy júrip jatyr. Qazirdiń ózinde quzyrly organ 8 myńǵa jýyq adamdy ustady. Quqyq qorǵaý organdary ustalǵandardyń lańkestikke, buzaqylyqqa jáne kisi ólimine qanshalyqty qatysy baryn tekserip jatyr», - dedi Qasym-Jomart Toqaev.
