Elimizde pilottyq rejimde turǵyndardyń elektrondy densaýlyq tólqujaty iske qosyldy. Bul týraly Ortalyq kommýnikatsiialar qyzmetinde QR Densaýlyq saqtaý ministri Eljan Birtanov málim etti.
Osylaisha, kópten kútken tsifrlyq servistiń beta-nusqasy «Elektrondy úkimet» portalynda jumys istei bastady.
«Kez kelgen qazaqstandyq portalǵa kirip, óziniń meditsinalyq jazbalaryn kóre alady. Iaǵni, azamat qandai meditsinalyq mekemeden qyzmet alǵanyn, sondai-aq osyǵan deiin alǵan tegin meditsinalyq kómeginiń kólemi men jazylǵan retseptin bile alady», – dep atap ótti E.Birtanov.
Onyń aitýynsha, kóp jyldan beri dárilerdi esepke alý, emhanalardaǵy is júrgizý protsesin qaǵazsyz júiege kóshirý boiynsha ártúrli aqparattyq júieler damytylǵan.
«Buryn derekterdiń barlyǵy ártúrli aqparattyq júiede jinaqtalatyn edi. Bizdiń mindetimiz ár azamat osy jazbalardy ózderi kórip, basqaryp jáne olarǵa qol jetkize alatyndyǵyna kóz jetkizý bolatyn. Eń bastysy, bolyp jatqan oqiǵanyń shynaiy kórinisin kóre alamyz», – deidi ol.
QR Densaýlyq saqtaý ministriniń sózinshe, jańa jyldan bastap elektrondy densaýlyq pasporty onlain rejimde jańartylyp otyrady. Eń aldymen, bul el meditsinasynyń ashyqtyǵy men memleket shyǵyndarynyń jariialylyǵyn qamtamasyz etetin bolady. Josparǵa sáikes, jaqynda ata-analarǵa balalarynyń meditsinalyq málimetteri qoljetimdi bolady.
Aita ketsek, egov.kz portaly arqyly mynadai qyzmetterdi alýǵa bolady: ýchaskelik dárigerdiń aty-jónin; aýrýdyń ataýyn (nozologiia); meditsinalyq mekemeniń ataýyn; dárilik preparattyń ataýyn; retseptiniń jazylǵan kúni men ony bergen dárihananyń ataýyn; aýrýhanaǵa jatqyzý kodyn; diagnozdy; josparly gospitalizatsiiaǵa jibergen uiymnyń atyn; gospitalizatsiiaǵa qaida jiberilgenin; hattama nómirin; aýrýdyń atyn jáne kodyn; dispanserlik esepke turý kúnin jáne t.b.
