Internette elektrondyq COVID pasporty máselesi qyzý talqylanyp jatyr, dep habarlaidy "Ult aqparat" stopfake.kz resýrsyna silteme jasap.
Kei paidalanýshylardyń paiymdaýynsha, bul qujatty ázirleýdi Rokfeller qory qarjylandyrady, sondai-aq elektrondy densaýlyq pasporty ideiasy jeke derekterdiń qaýipsizdigin jáne qozǵalys erkindigin buzady.
Mysaly, bloger Ekaterina Kovalenko óziniń YouTube-taǵy videosynda osy jáne basqa da máseleler boiynsha alańdaýshylyq bildirdi. StopFake.kz portaly mundai pasporttyń ne úshin qajet bolýy múmkin ekenin jáne áleýmettik jelilerde ol týraly qandai ańyzdar taraǵanyn anyqtady.
Elektrondy COVID pasporty birneshe elde jasalyp jatyr. Bul – paidalanýshynyń meditsinalyq málimetteri, sonyń ishinde COVID-19 test nátijeleri jáne vaktsinatsiialaý týraly málimetter engizilgen mobildi qosymsha ataýy.
Feik: jobany Rokfeller qory qarjylandyrady
Shyndyq: Elektrondy COVID pasportyn birden birneshe uiym ázirleýde. Britaniialyq jeke menshik TentoHealth IT kompaniiasy COVI-PASS jobasyn usyndy.
Commons Project Foundation kommertsiialyq emes qoǵamdyq qory – CommonPass ázirlemesiniń avtory.
VST Enterprises kompaniiasy V-healthPassport qosymshasyn jasaýda.
IBM korporatsiiasy da óz jobasyn usyndy – Digital Health Pass.
Feik: COVID pasport internet-banking parolderi men tólem kartalarynyń derekteri sekildi derbes málimetterdi jinaidy.
Shyndyq: ázirleýshi kompaniialardyń resmi saittarynda qosymshalarda tek meditsinalyq málimetter ǵana bolady, olar óz erkimen, óz kelisimimen júkteledi delingen.
Sonymen qatar, qosymshalar Eýroparlament pen keńestiń jeke derekterdi óńdeýge qatysty jeke tulǵalardy qorǵaý jáne osyndai derekterdiń erkin qozǵalysy týraly erejelerine baǵynady.
Feik: COVID-pasporttardy jasaý mindetti bolady.
Shyndyq: Búgingi kúni mundai aqparat joq jáne bolmaidy, óitkeni barlyq elektrondyq densaýlyq pasporttary ázirlený ústinde nemese testileý satysynda. Mysaly, Commons Project Foundation kommertsiialyq emes qoǵamdyq qory usynǵan CommonPass nusqasy Cathay Pacific Airways jáne United Airlines áýe kompaniialarynda synaqtan ótkizilýde.
Sondai-aq, VST Enterprises kompaniiasynyń óz jobasyn álemniń 15 eline, sonyń ishinde AQSh, Portýgaliia, Frantsiia, Panama, Úndistan, Kanada, Shvetsiia, Ispaniia, Meksika, Ońtústik Afrika, BAÁ jáne Niderlandqa jetkizýge kelisimsharttar jasaǵandyǵy belgili.
Tentohealth resmi saitynda qosymshasy biyl kúzde kópshilik úshin qoljetimdi bolady dep jazylǵan.
Feik: COVID-pasporttarynsyz jumysqa qabyldamaidy
Shyndyq: mundai málimdemege negiz joq. Ázirleýshi kompaniialardyń saittarynda qosymshalardy ujymdaǵy epidemiologiialyq jaǵdaidy baqylaý úshin paidalanýǵa bolady delingen. Bul talapty mindetti túrde oryndaý kerek ekendigi týraly eshteńe jazylmaǵan.
Feik: COVID-pasporttarynyń kómegimen adamdardy baqylaýǵa bolady.
Shyndyq: qosymshalar meditsinalyq málimetterdi jinaý jáne saqtaý úshin ǵana jasalǵan, olardy qajet bolǵan jaǵdaida, mysaly, áýejaida nemese jappai is-sharalarda kórsetýge bolady. Resmi ázirleýshilerdiń saittarynyń eshqaisysynda qosymshalarǵa GPS fýnktsiiasy engiziletini týraly derekter joq.
