"Qazgidromet" RMK mamandary 12-14 shildege arnalǵan aýa raiy boljamyn usyndy. Aldaǵy úsh kúnde respýblikanyń basym bóliginde jańbyr jaýady. Soǵan qaramastan, eldiń batysy men ońtústik-batysynda synap baǵanasy 45 gradýsqa deiin kóteriledi, - dep habarlaidy "Ult aqparat".
Boljamǵa sáikes, ortalyǵy Salehard aimaǵynda ornalasqan Soltústik antitsiklonnyń jotasy elimizdiń soltústik bóligine áser etedi, ońtústik óńirler tómen qysym men frontal bólikter yqpalynda bolady. Respýblikanyń basym bóliginde kún jylynǵan saiyn aýa massalary turaqsyz bop, bul jaýyn-shashynnyń túsýine sebepshi bolady: 12-13 shildede respýblikanyń ortalyǵy men shyǵysynda naizaǵai, jel soǵyp, qatty jańbyr, burshaq jaýýy múmkin. Elimizdiń batysy men ońtústik-batysynda ǵana jaýyn-shashynsyz aýa raiy kútiledi.
"Aýa temperatýrasy batysta kúndiz +34+42 gradýs, ońtústik-batysta + 40+45 gradýs, soltústik-batysta +28+35 gradýstan +30+40 gradýsqa deiin, soltústikte +25+33 gradýstan +22+30 gradýsqa deiin aýytqidy, ortalyqta +22+30 gradýs, shyǵysta aýa temperatýrasynyń +22+32 gradýstan +17+25 gradýsqa deiin tómendeýi, ońtústikte temperatýranyń +29+37 gradýstan +32+40 gradýsqa deiin, eldiń ońtústik-shyǵysynda +22+32 gradýstan +25+35 gradýsqa deiin joǵarylaýy kútiledi", - delingen habarlamada.
