Aldaǵy 5 jylda myń jarym shaqyrym toptyq sý qubyrlary salynyp, eldi mekenderdi sýmen qamtý kórsetkishi 100 paiyzǵa jetedi. Bul týraly QR Ekologiia, geologiia jáne tabiǵi resýrstar ministri Serikqali Brekeshev aityp berdi, dep habarlaidy QazAqparat.
«Qazirgi ýaqytta respýblika boiynsha jalpy uzyndyǵy 15,5 myń shaqyrym 76 toptyq sý qubyrlary bar, onyń ishinde 13,4 myń shaqyrym bolatyn 39 toptyq sý qubyry respýblikalyq menshikte. Olar 1,2 mln adam mekendeitin 631 aýyldy aýyz sýmen qamtamasyz etýde. Ótken jyly Almaty, Batys Qazaqstan jáne Qyzylorda oblystarynda 3 toptyq sý qubyry paidalanýǵa berildi», - dedi S. Brekeshev Úkimet otyrysynda.
Nátijesinde 343 kilometr jeli salynyp, 124,5 myń adam turatyn 13 aýyl men 1 qalada sýmen jabdyqtaý qamtamasyz etildi jáne jaqsardy.
«Biyl toptyq sý qubyrlaryn salý jáne qaita jańartý 16 nysanda júrip jatyr, onyń ishinde jyl sońyna deiin 8 nysan aiaqtalady. Búgingi kúni 2 nysan paidalanýǵa berildi. Bul Presnov toptyq sý qubyrynyń ekinshi kezegi jáne Eskýlinsk ýchaskesin kóshirý jumystary. Bul jumystar nátijesinde 5,8 myń adamy bar 5 aýyl sapaly aýyz sýǵa qol jetkize alady jáne Aqmola, Aqtóbe, Qaraǵandy jáne Qyzylorda oblystarynda 203 myń adam turatyn 51 aýyl men 3 qalada sýmen jabdyqtaý jaqsartylady», - dedi ministr.
Qalǵan 8 nysan boiynsha 2022-2023 jyldary paidalanýǵa berý josparlanýda.
«Qýatty óńirler – el damýynyń draiveri» ulttyq jobasy aiasynda 5 jylda jalpy quny 36 milliard teńge bolatyn 11 toptyq sý qubyrlaryn salý jáne qaita jańartý josparlanýda. Nátijesinde 23,3 myń adamy bar 63 aýyl sýmen qamtylady jáne 43,4 myń adamy bar 37 aýylda sýmen jabdyqtaý jaqsartylady. Jalpy 5 jylda shamamen myń jarym shaqyrym toptyq sý qubyrlary salynyp, eldi mekenderdi sýmen qamtý kórsetkishin 100 paiyzǵa jetkizý josparlanýda», - dedi S. Brekeshev.
