Keshe, 18 qazanda Qazaqstanda 1387 adamnan koronavirýs indeti PTR test arqyly anyqtaldy. Bul aldyńǵy kúnmen salystyrǵanda 255 adamǵa az. Densaýlyq saqtaý ministrligi indettiń báseńdegenin aitady. 20 qazannan bastap elde karantin jeńildep, birqatar nysannyń jumys ýaqyty uzartylmaq.
Ótken táýlikte Almaty qalasynan (250 adam) basqa óńirlerde 200-den az naýqas tirkelgen. Eń tómengi kórsetkishter - Túrkistan (7 adam) men Mańǵystaý oblystarynda (7 adam).
2020 jyly naýryzdan beri Qazaqstanda 919 myń adam koronavirýspen, 78 myń adam koronavirýs infektsiiasy bar pnevmoniiamen aýyryp, koronavirýstan – 11 797 (17 qazanda 46 adam qaitys bolǵan), pnevmoniiadan 4969 adam qaitys bolǵan (17 qazanda 7 adam qaitys bolǵan).
Eki kún buryn 9 adam koronavirýs pnevmoniiasyna shaldyqqan.
19 qazandaǵy málimet boiynsha, 52 225 adam koronavirýs infektsiiasynan (–45 706 + jáne 6 519 KVI-) emdelip jatyr. Olardyń ishinde 9 130 patsient statsionarda, 43 095 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
627 adamnyń jaǵdaiy aýyr,
168 patsienttiń jaǵdaiy óte aýyr,
96 naýqas ÓJJ apparatynda jatyr.
Qazaqstanda 7,1 million adam koronavirýsqa qarsy vaktsinanyń tolyq dozasyn alǵan. 900 myń adam ekinshi dozasyn kútip otyr. 18 ben 65 jas aralyǵyndaǵy adamdarǵa Reseidiń "Spýtnik V" (qazir ony Qaraǵandyda óndiredi), Qazaqstannyń QazVac, Qytaidyń Sinopharm kompaniiasynyń BAÁ-de óndirilgen Hayat-Vax pen Qytaida óndirilgen Vero Cell ekpesi, sonymen birge taǵy bir qytailyq Sinovac kompaniiasynyń CoronaVac ekpesi salynyp jatyr.
