Basqosýda Biýro músheleri «Nur Otan» partiiasynyń 7 serpini – Senim. Dialog. Bolashaqqa nyq qadam» atty partiia jumysyn qaita jandandyrý baǵdarlamasyn júzege asyrý barysyn jáne partiianyń ishki irikteýin ótkizý máselesin talqylady, dep habarlaidy "Ult aqparat" Elbasy saityna silteme jasap.
Elbasy jiynda sóilegen sózinde qazirgi ýaqytta praimerizge qoǵam tarapynan zor qyzyǵýshylyq bar ekenin atap ótti.
– Jurtshylyq eldiń qoǵamdyq jáne saiasi ómirine belsene qatysqysy keledi. Biz partiiany qaita jandandyrýdyń durys baǵytyn tańdadyq. Elimizdiń máselelerin birlesip sheshý úshin ashyq dialogty qamtamasyz etý qajet. Praimerizdiń mindeti – halyqtyq partiialyq tizimderdi qalyptastyrý, qoǵam qoldaýyna ie, naqty jaǵdaidy biletin bedeldi kóshbasshylardy, belsendi adamdardy básekelestik negizinde irikteý», – dedi Qazaqstannyń Tuńǵysh Prezidenti.
«Nur Otan» partiiasynyń Tóraǵasy praimerizge qatysýshylar jergilikti jerlerde ótkir máselelerdi ashyq kóterýi jáne kemshilikterdi anyqtap, naqty sheshimder usynýy kerek ekenin atap ótti.
– Biz óz óńirin jáne elimizdi damytýǵa daiyn barlyq azamattar úshin «áleýmettik lift» qalyptastyrdyq. Qyrkúiek aiynda jergilikti baǵdarlamalardyń barlyq 216 jobasy jariialanady. Keń kólemdegi talqylaýlar bizdiń elektoraldyq mindetterimizdi halyqtyń suranystarymen jáne qajettilikterimen sáikestendirýge múmkindik beredi. Besjyldyq merzimge arnalǵan baǵdarlamalar jurtshylyqtyń pikirin eskere otyryp jetildiriledi, ár aýdannyń, qalanyń jáne oblystyń biýdjettik múmkindikterimen bailanystyrylady, – dedi Nursultan Nazarbaev.
Elbasy partiianyń ishki irikteýiniń kelesi kezeńderin júzege asyrý úshin uiymdastyrý jumystaryn sapaly ótkizýdiń mańyzdylyǵyna nazar aýdardy.
– Praimeriz barlyq qatysýshylar úshin ádil, ashyq jáne teń jaǵdaida uiymdastyrylýy kerek. Partiianyń ishki úgit-nasihaty qyrkúiekte bastalady. Koronavirýs indeti jaǵdaiyn eskere otyryp, ony Densaýlyq saqtaý ministrliginiń usynystaryna sáikes oryndaý kerek. Barynsha qaýipsizdik sharalaryn qabyldaý qajet. Eń bastysy – azamattardyń densaýlyǵy, – dedi Qazaqstannyń Tuńǵysh Prezidenti.
Sóz sońynda Elbasy «Nur Otan» partiiasynyń qoǵamdy jumyldyrýdaǵy jáne eldiń odan ári damýyn qamtamasyz etýdegi mańyzdy rólin atap ótti.
– Partiia qazaqstandyqtardy, barlyq syndarly jáne sanaly qoǵamdyq kúshterdi toptastyrýy kerek. Biz birliktiń arqasynda kez kelgen qiyndyqtan óte alamyz. Ásirese, elimizdegi turaqtylyq pen tynyshtyqty saqtaý úshin úilesimdi jumys istegen jón, – dedi Elbasy.
Sondai-aq otyrys barysynda «Nur Otan» partiiasy Tóraǵasynyń birinshi orynbasary B.Baibektiń jáne Biýro múshesi, Qazaqstannyń Premer-Ministri A.Maminniń baiandamasy tyńdaldy.
