Nursultan Nazarbaev Qazaqstan Respýblikasy Tuńǵysh Prezidenti - Elbasy qorynyń atqarýshy direktory Áset Isekeshevti qabyldady, dep habarlaidy QazAqparat elbasy.kz silteme jasap.
Kezdesý barysynda Áset Isekeshev qordyń áleýmettik jáne bilim berý salalaryndaǵy jobalarynyń iske asyrylýy týraly baiandap, 2020 jylǵa arnalǵan jumys jospary týraly málimet usyndy.
– 2019 jyly qor 95 jobany júzege asyrdy. Olardyń qatarynda bilim salasyndaǵy talantty shyǵarmashyl jáne ǵylym salasyndaǵy daryndy jastardy qoldaý jobalary bar. Áleýmettik salada birqatar jobalar, sonyń ishinde qaiyrymdylyq sharalar júzege asyryldy. 2019 jyly qor jobalarynyń qamtý aiasy aitarlyqtai keńeiip, is-sharalarǵa qatysýshylardyń jalpy sany 460 myń adamdy qurady, - dedi qordyń atqarýshy direktory.
Sonymen qatar, Á.Isekeshev Qazaqstan Respýblikasy Tuńǵysh Prezidenti – Elbasy qory janyndaǵy Álemdik ekonomika jáne saiasat institýtynyń qyzmeti týraly aqparat berdi.
– Álemdik ekonomika jáne saiasat institýtynyń negizinde geosaiasat, ekonomika, adam kapitaly, sondai-aq, áleýmettik jáne aimaqtyq zertteýler júrgizý úshin strategiialyq «oilaý ortalyǵy» qurylady. Biz 20-dan astam konferentsiialar, dóńgelek ústelder men forýmdar ótkizdik, - dedi qordyń atqarýshy direktory.
Sondai-aq, Qazaqstannyń Tuńǵysh Prezidentine qordyń transformatsiiasy aiasynda júrgizilip jatqan jumystar týraly málimet usynyldy. Kelesi jyly Tuńǵysh Prezident qorynyń negizgi baǵyttary boiynsha 125 is-shara ótkizý josparlanǵan.
Kezdesý sońynda Elbasy birqatar naqty tapsyrma berdi.
