Qazaqstannyń Tuńǵysh Prezidenti - Elbasy Nursultan Nazarbaev Ulttyq bank tóraǵasy Erbolat Dosaevty qabyldady, dep habarlaidy "Ult aqparat" elbasy.kz saityna silteme jasap.
Kezdesýde Nursultan Nazarbaevqa pandemiia jaǵdaiyndaǵy álemdik ekonomikanyń damýyna bailanysty jáne Qazaqstannyń saýda-ekonomikalyq seriktesteriniń naryqtaryndaǵy jaǵdaiǵa qatysty boljamdar tanystyryldy.
Sondai-aq, Qazaqstannyń Tuńǵysh Prezidentine qarjy naryǵyndaǵy jaǵdai men eldegi aqsha-nesie saiasatyn júzege asyrý barysy týraly aqparat berildi.
– Qarjy naryǵyndaǵy jaǵdai turaqty. Biylǵy segiz aida infliatsiia jeti paiyzǵa jetti. Bul kórsetkish biz boljap otyrǵan deńgeide tur. Bazalyq mólsherlemeni toǵyz paiyz deńgeiinde saqtap qaldyq, – dedi E.Dosaev.
