Nýrsýltan Nazarbaev i Samat Abish / Foto: Mýhtar Holdorbekov / Reuters
Memlekettik kúzet qyzmeti nagradalarynyń ataýynan "Elbasy" sózi alynyp tastalady. Mádeniet jáne aqparat ministrligi jarlyq jobasyn ázirlep, "Ashyq NQA" portalynda jariialady, dep habarlaidy Sputnik Qazaqstan.
Qujatqa sáikes, "Elbasynyń qaýipsizdigin aibyndy atqarǵany úshin" medali endi "Abyroily qyzmeti úshin" dep atalady.
Sondai-aq Memlekettik kúzet qyzmeti myna tósbelgilermen marapattalady:
• "Qazaqstan Respýblikasy Memlekettik kúzet qyzmetiniń qurmetti qyzmetkeri";
• "Qazaqstan Respýblikasy Memlekettik kúzet qyzmetiniń úzdigi";
• "Úzdik sportshy".
Buǵan deiin olar bylai atalyp kelgen edi:
1. "Elbasy qorǵany";
2. "Qazaqstan Respýblikasy Memlekettik kúzet qyzmeti Airyqsha maqsattaǵy kúshteriniń úzdigi";
3. "Úzdik sportshy-jaýynger".
"Bul ózgerister 2022 jyly Konstitýtsiiaǵa engizilgen ózgeristermen, sondai-aq Memlekettik kúzet qyzmetiniń negizgi mindeti Memleket basshysynyń jáne basqa da kúzetiletin adamdardyń qaýipsizdigin qamtamasyz etý ekenimen bailanysty", - delingen negizdemede.
Buǵan qosa Ortalyq sailaý komissiiasynyń óz medali paida bolady. Ol "Sailaý organdary júiesin damytýǵa qosqan úlesi úshin" dep atalady.
Jarlyq jobasy 5 qazanǵa deiin qoǵam talqysyna shyǵaryldy.
