QR Tuńǵysh Prezidenti Nursultan Nazarbaev Táýelsizdiktiń 30 jyldyǵyna arnalǵan saltanatty jiynda qazaqstandyqtardy Prezidenttiń bastamalaryn qoldaýǵa shaqyrdy, dep habarlaidy QazAqparat.
«Bizge aldaǵy ýaqytta beibitshilikti jaqtaityn saiasatymyz ben halyqtyń ál-aýqatyn jaqsartý baǵytyndaǵy igi áreketterimizdi jalǵastyra berý kerek. Solai istelip jatyr. Kópshilik halyqtyń qoldaýymen resmi joǵary bilik tizginin qolyna alǵan Memleket basshysy Qasym-Jomart Kemeluly Toqaev búginde strategiialyq baǵdarlamalarymyzdy laiyqty jalǵastyryp, eldi tiimdi basqaryp keledi», - dedi Elbasy.
Sondai-aq, ol qazaq tarihyndaǵy ókinishti sátterdiń bári el birligine syzat túsken kezde oryn alǵanyn eske saldy.
«Tarihtan bilesizder. Qazaq qosylǵan kezde jeńbegen jaýy bolǵan joq. Qazaq kishkene ydyraǵan kezde kim bolsa, sol kelip talap ketken. Sony ózimiz de, jastarymyz da eshqashan umytpaýy kerek. Sondyqtan Prezidentimizdi qoldap, bastamalarynyń barlyǵyna jumys istep, bir adamdai bolsa, bir qoldan jeń shyǵarsaq, bir jaǵadan bas shyǵarsaq, bolashaqtaǵy tabystarymyz mol bolady», - dedi Nursultan Nazarbaev.
