Qazaqstan halqy Assambleiasynyń XXIX sessiiasynda QR Tuńǵysh Prezidenti - Elbasy, QHA Tóraǵasy Nursultan Nazarbaev pandemiia kezindegi Memleket basshysy Qasym-Jomart Toqaevtyń saiasaty týraly pikir bildirdi, dep habarlaidy "Ult aqparat".
«Qazirgi kezde Qazaqstan jańa jaýapkershilikti kezeńge aiaq basyp otyr. Ol pandemiia, jahandyq ekonomikada daǵdarystyq qubylystardyń kúsheiýi, aldyńǵy qatarly álemdik oiynshylardyń geosaiasi básekelestiginiń ýshyǵýy kezeńimen sáikes keldi. Osy jáne basqa da qolaisyz jaǵdailar bizdiń memlekettiń de damýyna óziniń teris áserin tigizbei qoimaidy. Bul jaǵdaida elimizdiń Prezidenti Qasym-Jomart Toqaev jan-jaqty túgendelgen, syndarly saiasatty júrgizýdi jalǵastyryp kele jatqanyna senimdimin. Sondyqtan biz osy qadamdardy qoldaýymyz kerek. Bul saiasat barsha qazaqstandyqtardyń múddesine jáne ultymyzdyń ary qarai damýy maqsattaryna qyzmet etip jatyr», - dedi Nazarbaev.
