Búgin Qazaqstan halqy Assambleiasynyń HIH sessiiasynda QR Prezidenti Qasym-Jomart Toqaev Elbasy Nursultan Nazarbaevqa QHA-nyń Qurmetti Tóraǵasy bolýdy usyndy, dep habarlaidy "Ult aqparat".
«Asa qurmetti Elbasy Nursultan Ábishuly, bizdiń Assambleianyń Qurmetti Tóraǵasy bolý týraly ortaq usynysymyzdy qabyl alýyńyzdy ótinemiz. Bul mártebe shyn máninde halyqtyń jáne memlekettiń aldyndaǵy tarihi eńbegińizge bailanysty Sizge tiesili. Assambleianyń barlyq músheleri bul usynysty qoldaidy dep senemin», - dedi Qasym-Jomart Toqaev.
Sonymen qatar Memleket basshysy qasterli táýelsizdigimizdiń 30 jyldyǵynda Assambleia halyqtyń talap-tilekterin oryndaýǵa baǵyttalǵan naqty jobalardy júzege asyrýǵa airyqsha mán berýi mindet ekendigin basa aitty.
«Barshamyzǵa ortaq jumystyń basty baǵdary dál osyndai bolýǵa tiis. Biz bárimiz birlik pen yntymaqtyń arqasynda jasampaz ult bolyp aldymyzda turǵan tarihi maqsattarǵa qol jetkizemiz», - dedi QR Prezidenti.
Osy rette Nursultan Nazarbaev Qasym-Jomart Toqaevtyń usynysyn qabyldady.
"Jańa mindetterdi qabyldaimyn, Qazaqstan halqy Assambleiasymen birge jumysymdy jalǵastyramyn. Qasym-Jomart Kemeluly, sizderge sáttilik tileimiz, QHA barlyq bastamalardy qoldaidy", - dedi Nursultan Nazarbaev.
