Úlken Eýraziianyń tórtjaqty ekonomikalyq forýmyn qurý qajet. Bul týraly QR Tuńǵysh Prezidenti – Elbasy Nursultan Nazarbaev aitty, dep habarlaidy QazAqparat.
«Eýraziia elderi jańa daǵdarystyń aldyn alý maqsatynda júieli dialogty jolǵa qoiýy qajet. Bul úshin baiaǵydan beri, tipti úshinshi eldermen de jumys istep turǵan óńirlik halyqaralyq birlestik negizgi arna bola alady», - dep eske aldy Elbasy «Astana klýb-2021» otyrysynda.
QR Tuńǵysh Prezidenti Eýraziialyq ekonomikalyq odaq, Eýropalyq odaq, Shanhai yntymaqtastyq uiymy, sonymen qatar taiaýda qurylǵan Túrki memleketteri uiymy arasynda tikelei bailanystardy damytatyn ýaqyt jetkenin atap ótti.
«Olardyń barlyǵynda eń aldymen ekonomikalyq yntymaqtastyqqa baǵdarlaný tán. Dál osy ekonomikalyq yntymaqtastyq bazasynda saiasi, mádeni jáne ózge de bailanystar artady. Bul búkil ǵalamshar úshin úlken jeńis bolar edi. Osyǵan orai Úlken Eýraziianyń tórtjaqty ekonomikalyq forýmyn qurýdy usynamyn. Onda elderimiz Eýraziiadaǵy kooperatsiianyń barlyq múmkindikterin talqylap, ilgerilete alar edi. Qazaqstan Memleket jáne Úkimet basshylary deńgeiindegi mundai forýmdy uiymdastyrýshylardyń biri bola alady», - dedi Nursultan Nazarbaev.
