Elbasynyń baspasóz hatshysy Aidos Úkibai Nursultan Nazarbaevtyń qazirgi tańda nemen ainalysyp jatqany týraly aitty, dep habarlaidy "Ult aqparat".
«Búginde memleket Qazaqstan azamattarynyń qaýipsizdigin qamtamasyz etý úshin mańyzdy sharalardy qabyldap jatyr. Bul rette, adamdar eldiń bolashaǵy úshin jaýapkershilik olardyń mamandardyń nusqaýlaryn qalai oryndaitynyna bailanysty ekenin túsinýi tiis. Kóptegen adamdardyń óz qaýipsizdigi men jaqyndarynyń amandyǵyna baiyppen qaraityny qýantady. Elbasy jaǵdaidy jiti baqylap, Qaýipsizdik Keńesiniń hatshysynan ózekti aqparattardy alyp otyrǵanyn atap ótkim keledi. Mańyzdy saiasi sheshimderdi talqylaýǵa qatysyp, el Prezidentine qoldaý kórsetýde.
Nursultan Nazarbaev turǵyndarǵa kómek kórsetý jumystarymen ainalysyp jatqan Nur Otan partiiasynyń qyzmetin úilestirip otyr. Sondai-aq, Tuńǵysh Prezidenttiń bastamasymen qurylǵan «Birgemiz» qoǵamdyq qorynyń jumysy erekshe baqylaýda. Budan bólek, Elbasy Álemdik ekonomika jáne saiasat institýtyna álemdegi jaǵdaidy jáne Qazaqstanǵa jahandyq trendterdiń yqtimaldy teris yqpalyn zertteý boiynsha taldaý jumystaryn kúsheitýdi tapsyrdy. Bul derekter sáikes memlekettik qurylymǵa jiberiledi.
Búginde barlyq kúsh halyqtyń qaýipsizdigi men ony qorǵaýdy qamtamasyz etýge jumsalýda. Biz órkenietti memleket qalyptastyrǵan myqty halyqpyz. Biz birliktiń arqasynda kóptegen synaqtan óttik. Bul qiyndyqtardy da basymyzdy joǵary kóterip eńseretinimizge senimdimin», - dedi Úkibai.
