Tanymal jas aqyn, jýrnalist Elaman Qabdiláshim «Baiantaý» gazetiniń bas redaktory bolyp taǵaiyndaldy.
«Elaman Hasenuly Qabdiláshim 2018 jylǵy 3 qazan kúni Baianaýyl aýdany ákiminiń №2-23/42 ókimimen «Baiantaý» gazetiniń redaktsiiasy» jaýapkershiligi shekteýli seriktestiginiń direktory (redaktory) laýazymyna taǵaiyndaldy» delingen resmi aqparatta.
«Baiantaý» gazetiniń alǵashqy sany 1931 «Lenin týy» degen ataýmen shyqqan bolatyn. Belgili etnograf, filosof jáne ádebietshi Máshhúr Júsip Kópeev sol kezde gazetke aq jol tilep, batasyn bergen-di.
Gazettiń alǵashqy redaktory Ǵalym Maldybaev boldy, onda halyq jazýshysy Dihan Ábilov, talantty jýrnalist jáne jazýshy Súleimen Baiazitov, Pavlodar memlekettik ýniversiteti jýrnalistika kafedrasynyń meńgerýshisi Qyryqbai Aldabergenov ózderiniń shyǵarmashylyq jolyn bastaǵan.
Gazettiń órkendep damýyna Ázilhan Nurshaiyqov, Zeitin Aqyshev, Ramazan Toqtarov, Qalijan Bekhojin, Qalmuqan Isabaev, Smaǵul Torǵaev, Elýbai Saǵynaev, Baltabai Seisenbekov, Rafaǵat Syzdyqov, Hákim Bópeǵaliev, Tóleýtai Qulmaǵambetov, Shakrat Shalbai syndy tanymal tulǵalar óz úlesin qosqan.
Búginge deiin «Baiantaý» gazetiniń bas redaktory qyzmetin Aidana Aitýǵanova atqarǵan bolatyn.
Aita ketsek, Elaman Hasenuly Qabdiláshim 1993 jyly 14 sáýirde Pavlodar oblysy, Baianaýyl aýdany, Leker qajy aýylynda týǵan. 2015 jyly Almaty qalasyndaǵy Ortalyq Aziia ýniversitetin «Kitaphanashy» mamandyǵy boiynsha támámdaǵan.
Eńbek jolyn 2014-2015 jyldary Almaty qalasyndaǵy Jambyl atyndaǵy memlekettik balalar men jasóspirimder kitaphanasynda kitaphanashy bolyp bastaǵan. 2015-2016 jyldary – QR Ulttyq Ulany qatarynda (Almaty oblysy, Eńbekshiqazaq aýdany, Qarakemer kenti) áskeri qyzmette boldy. 2016 jyldyń 28 qarashasynan bastap Baianaýyl aýdandyq «Baiantaý» gazetiniń tilshisi qyzmetin atqaryp keldi.
Jetistikteri:
2011 jyly – stýdent jastardyń Qaraǵandy oblystyq «Mahabbat kóktemi» jyr múshairasynyń II oryn iegeri.
2012 jyly – Almaty qalalyq stýdent jastardyń Muqatai Jylqaidarovty eske alýǵa arnalǵan «Aqyn ulyn túbinde bir joqtaidy, aman bolsa, asqar taýym, keń delam» jyr múshairasynyń III oryn iegeri.
2013 jyly – IýNESKO, halyqaralyq jýrnalistika jáne qoǵammen bailanys kafedrasynyń uiymdastyrýymen ótken ál-Farabi atyndaǵy QazUÝ-dyń 80 jyldyǵyna arnalǵan «QazUÝ-ym – temirqazyǵym» atty jyr múshairasynyń II oryn iegeri.
2015 jyly – Qazaq handyǵynyń 550 jyldyǵyna arnalǵan Pavlodar oblystyq «Eldiktiń tereń tamyry» atty aqyndar músháirasynyń «Oljabai batyr» atyndaǵy arnaiy júldesiniń iegeri.
2015 jyly – Almaty qalasynda ótken Qazaq handyǵynyń 550 jyldyǵyna arnalǵan respýblikalyq stýdent jastardyń jyr múshairasynyń II oryn iegeri.
2017 jyly – «Ədebiet portaly» men Halyqaralyq «Qyzai ana» qoǵamdyq qory Alash Ordanyń 100 jyldyǵyna orai uiymdastyrǵan respýblikalyq «Aibyndy Alashym» jyr músháirasynyń «Bas júlde» iegeri.
2017 jyly – Amangeldi Qańtarbaevqa arnalǵan oblystyń «Narkesken» jýrnalister baiqaýynyń II oryn iegeri.
2017 jyly – Aqtaý qalasynda ótken qoǵam qairatkeri, pýblitsist Jalaý Myńbaiulynyń 120 jyldyǵyna arnalǵan respýblikalyq «Elim dep ótken Er Jalaý» múshairasynyń III oryn iegeri.
2017 jyly – Pavlodar qalasynda ótken oblystyq «El úshin týǵan arystar» jyr múshairasynyń «Bas júlde» iegeri.
2017 jyldyń qorytyndysy boiynsha Baianaýyl aýdany ákimniń «Jyl úzdigi» marapatynyń iegeri.
2017 jylǵy Pavlodar oblysynyń mádeniet, ádebiet jáne óner salasynyń damýy men oblys rýhaniiatyna qosqan úlesi úshin Pavlodar oblysynyń ákimi grantynyń iegeri.
Óleńderi jas aqyndardyń respýblikalyq «Jańa ǵasyr jyrlaidy» (Qurastyrýshy – Serik Saǵyntai, redaktory – Ámirhan Balqybek), «Jastyq – jalyn-jyr» (Qurastyrýshy – Murathan Shoqan) jinaqtary men qazaq poeziiasynyń 10 tomdyq «Jyr marjany» (Qurastyrýshylar – Mereke Qulkenov pen Gúlsim Muqysheva) antologiiasyna engen.
2017 jyly «Baian-jyr» Baianaýyl aqyndarynyń antologiiasyn (redaktory – Jeńisbek Pázil) qurastyrdy.
Óleńderi men ádebi maqalalary respýblikalyq, oblystyq «Qazaq ádebieti», «Saryarqa samaly» gazetteri men «Aq jelken», «Úrker», «Qasym», «Tumar», «Aqiqat», «Jalyn», «Naizatas», «Aqbettaý» jýrnaldarynda basyldy jáne «Ádebiet portaly», «Ult.kz», «Massaget», «Qasym», «Kúltóbe», «Tarlan.info», «Jeruiyq» saittarynda jariialandy.
