El Jastary biryńǵai aqparattyq navigatory ázirlenedi. Bul jaiynda Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Ulttyq rýhani jańǵyrý» ulttyq jobasyna (2021 jylǵy 12 qazandaǵy № 724 QRÚQ) sáikes «Táýelsizdik urpaqtary» jastardy qoldaý jónindegi arnaiy baǵyt aiasynda 2025 jylǵa qarai NEET sanatyndaǵy jastardy 5paiyzǵa deiin tómendetý boiynsha is-sharalar kesheni josparlanǵan. Sondai-aq, jastardy, onyń ishinde NEET sanatyndaǵy jastardy memlekettik qoldaý is-sharalary týraly qoldaýǵa jáne ýaqtyly habardar etýge baǵyttalǵan El Jastary biryńǵai aqparattyq navigatoryn ázirleý kózdelgen», - dedi Úkimet basshysynyń orynbasary jaýabynda.
Eraly Toǵjanovtyń jazýynsha, búginde Qazaqstan Respýblikasynyń jastaryn qoldaý jónindegi 2021-2025 jyldarǵa arnalǵan keshendi jospar iske asyrylyp jatyr. Jospar aýqymynda Aqparat jáne qoǵamdyq damý ministrligi jergilikti atqarýshy organdarmen birlesip, NEET sanatyndaǵy, onyń ishinde aýyldyq jerde jáne ómirlik qiyn jaǵdaida júrgen jastardy jumyspen qamtýǵa, jumysqa ornalastyrýǵa jáne áleýmettendirýge baǵyttalǵan birqatar is-shara iske asyrýda.
«Biyl Jastar resýrstyq ortalyqtarynda respýblikalyq jobalyq keńse jáne NEET sanatyndaǵy jastarmen ataýly jumys jónindegi arnaiy bólimder qurylyp, jumys isteidi. Respýblikalyq jobalyq keńseniń bazasynda call-ortalyq (8-778-097-55-28) jumys isteýde. Onyń kómegimen 8,9 myń jas adam jumysqa ornalastyrý, biliktiligin arttyrý jáne qaita daiarlaý máseleleri boiynsha jeke jáne toptyq onlain-konsýltatsiialar aldy. Qazirgi ýaqytta 5 myńnan astam adam tirkelgen NEET sanatyndaǵy jastardyń óńirlik Derekqory qalyptastyryldy. NEET sanatyndaǵy jastar arasynda jastardy qoldaýdyń memlekettik baǵdarlamalary týraly aqparattyq-túsindirý jumystaryn júrgizý jáne qujattardy resimdeýge, jumysqa ornalasýǵa, oqýǵa járdemdesý úshin 1,7 myń jastar pýly quryldy», - dedi ol.
Sondai-aq, vitse-premer Aqparat jáne qoǵamdyq damý ministrligi múddeli memlekettik organdarmen birlesip, NEET sanatyndaǵy jastardy memlekettik qoldaý is-sharalarymen qamtý maqsatynda olardy anyqtaý jáne esepke alý algoritmin ázirlegendigin atap ótedi.
«Aýmaqtardy damytý baǵdarlamalarynda jastardyń NEET úlesin tómendetý boiynsha nysanaly indikator jáne jastardyń osy sanatyn jumysqa ornalastyrý boiynsha arnaiy is-sharalar, onyń ishinde jastardy volonterlik qyzmetke tartý, «Jasyl El» eńbek jasaqtarynda maýsymdyq jumysqa ornalastyrý, buqaralyq sportpen ainalysýǵa tartý jáne taǵy basqalary kózdelgen. Máselen, NEET sanatyndaǵy jastardy áleýmettendirýge baǵyttalǵan keshendi is-sharalardyń biri «Zhas Project» jobasy sanalady. 2022 jylǵa arnalǵan respýblikalyq biýdjetti naqtylaý kezinde zańnamada belgilengen tártippen «Zhas Project» jobasyn qarjylandyrý máselesi qaralatyn bolady», - dedi Eraly Toǵjanov.
