El bolashaǵy – aibyndy jas sarbazdar

Jańa qazaqstandyq patriotizm degenimizdiń ózi — Máńgilik El ideiasy! Qazirgi zamanda áleýetti áskeri bar, tehnologiiasy men bilimi damyǵan memlekettiń jastary zaman talabyna sai saýatty, bilimdi bolýy qajet. Búgingi kúni biz jastardyń sportqa qyzyǵýshylyǵynyń óskenine, Otan aldyndaǵy paryzyn óteýge degen qulshynysynyń kún sanap artyp kele jatqanyna kýá bolyp otyrmyz. Osy jaǵdailar qazir dástúrge, jastardyń tilimen aitqanda, «brendke» ainalyp otyr.

Qorǵanys ministrliginiń jas­­tar­ǵa áskeri-patriottyq tár­bie berý ba­ǵytynda atqaryp jat­qan jumys­ta­ry­nyń aýqymy jyl ótken saiyn ul­ǵaiyp, sapa­sy artyp keledi. Mi­ni­s­tr­lik «Qazaqstan-2020: bolashaqqa bas­­­­tar jol» Qazaqstan Respýb­li­­­ka­sy mem­lekettik jastar saia­­­sa­tynyń 2020 jyl­ǵa deiin­gi tujyrymdamasy» aia­syn­da orta­lyq jáne aimaqtyq at­­qa­rý­­­­­shy organdarmen, qoǵamdyq ui­­ym­­dar­­­men birlesip, elimiz boi­­ynsha jas ar­­miia­shylardyń qo­­ǵamdyq qozǵalysyn jan­dan­dyrý jumystaryn udaiy júr­gi­­­zip keledi. Búgingi tańda bul jumystar je­misti nátijelerin berý ústin­de dep tolyqqandy aita alamyz. Máselen, sońǵy jyldary eli­mizde áskeri-patriottyq klýb­tar­dyń sany 13 esege kóbeise (177-den 2308-ge), oqýshylardy ás­keri-patriottyq sharalarǵa tartý 70 paiyzǵa ósken (38 000-nan 65 000-ǵa deiin). Biz budan jas­tar­dyń bos ýaqyttaryn ne­ǵurlym bilim alý­ǵa, áskeri isti meńgerýge arnaitynyn ań­ǵa­ramyz.  Jyl saiyn maýsym aiyn­da «Astana» óńirlik qol­bas­shy­ly­­ǵynyń «Spassk» oqý-jattyǵý or­talyǵynda memlekettik deń­geide tarihi mańyzy zor, tár­bielik ma­ǵynasy basym «Ai­byn» áskeri-pat­ri­ottyq jas­tar jiynyn ótkizý dástúrge ai­­naldy. Osy jerde jiynnyń bas­ty mindetterin de atap ótken abzal. Tara­typ aitar bolsaq, ol – jastardyń áskeri-patriottyq tárbiesin jetildirý, áskeri-patriottyq klýbtardyń is-qi­mylyn úilestirý, jastardy Qarýly Kúshterdegi áskeri qyzmetke daiarlaý, olardyń boiynda áskeri qyzmetti óteý kezindegi qajet daǵdylar men eptilikti qalyptastyrý, sondai-aq jastarǵa salamatty ómir saltyn nasihattaý, dene, áskeri-qol­danbaly jáne tehnikalyq daiar­­lyqty joǵarylatý. Qorǵanys ministrligi bi­yl da ás­keri-patriottyq ju­mys­tardy odan ári jetildirý, árt­úrli memleketterdegi jas sar­­­baz­­dardyń uiym­da­ry­men ha­lyq­­­aralyq ynty­maq­tas­tyq­tyń pi­­shinin da­mytý, ha­lyq­aralyq dos­­tyqty ny­ǵai­­tý jáne jastardy inter­na­tsi­­onaldyq kelisim men ózara qur­­met rýhynda tár­bi­eleý maq­sa­tynda 12-17 maýsym ara­lyǵynda «Spassk» oqý or­­ta­lyǵynda III halyq­aralyq «Ai­byn» áskeri-patriot­tyq jastar ji­ynyn ótkizbek. Oǵan eli­miz­diń ár aimaǵynan 600-den astam jas qa­­tysatyn bolady. 

Biylǵy jiynnyń ta­ǵy bir ereksheligi, oǵan Ózbekstan Res­pýblikasynyń ókil­deri qa­tysqaly otyr. Shet mem­le­ket­­ter­diń áskeri atta­she­leri, aimaq­tar­daǵy jas­tar is­teri máse­­­le­leri jónindegi bas­qar­ma­lar­dyń ba­s­shylary já­ne res­pýb­li­kal­yq jastar uiym­da­ry­­nyń kósh­­­basshylary qonaq re­­tinde sha­qyrylǵanyn da aita ket­ken oryndy.  «Aibyn» áskeri-patriottyq jas­tar jiyny 13 maýsymda resmi túrde ashy­lyp, jalaýyn kó­teredi. Ha­lyq­ara­lyq jiynnyń ashylýynda qazaq­stan­dyq ás­keri qyzmetshiler jek­pe-jek ury­sy­nyń aila-tásilderin, ar­na­iy maqsattaǵy bólimshelerdiń jaý­yn­ger­leri urys qimyldaryn, aviatsiia men artilleriianyń qol­daýyna súiengen rotalyq-tak­tikalyq top jaýyngerlik atystar kórsetedi. Jiynǵa qaty­sý­shylar men meimandar Áskeri áýe kúshteri Aviatsiialyq oqý ortalyǵynyń ushý toptary men parashiýtshileriniń, sondai-aq Qaraǵandy áskeri-tehnikalyq mektebi mototsiklisteriniń óne­rin tamashalaityn bolady. Biylǵy jyldyń taǵy bir ja­ńalyǵy, barlyq aimaqtyq ás­ke­ri-patriottyq klýbtardyń ju­mysyn ortalyqtandyrý, «Jas sarbaz» Respýblikalyq shtaby­nyń j­u­­mysyn jandandyrý maqsatynda, Qazaq­stan Respýblikasy Qarýly Kúshte­ri­­niń Ulttyq áskeri-pat­ri­ottyq orta­ly­ǵy «Aibyn» ha­lyq­aralyq áskeri-pat­ri­ot­tyq jastar ji­ynynyń resmi saityn iske qosty. 

Saittan halyqaralyq jiyn tý­raly, jiynǵa qatysýshy komand­alar men qa­tysýshylarǵa qajet aqparattardy (ja­rys­­tar­dyń ót­kizilý erejesi, regla­menti, ji­yn ere­jesi, jiyn bas­shy­ly­ǵynyń qu­ramy, t.b.) alý­ǵa bolady. So­nymen bir­ge, ji­ynnyń ótken jyl­dar­da­ǵy ma­te­­rialdarymen de tolyq tany­sa alasyz.  Biylǵy jiynnyń basty ja­ńalyǵy, oǵan qatysýshy bar­­lyq áskeri-patriottyq klýb­tar­dyń ózindik belgileri bar ar­naiy jo­bamen daiyndalǵan ki­im úlgisimen qam­tamasyz etilýi bo­lyp otyr. Búginde jastardy pat­ri­o­t­­tyq tur­ǵy­dan tárbieleý, ás­keri-qoldanbaly sport túr­le­rin dáripteý, sportqa baýlý ju­mystaryn kúsheitý, salamatty ómir sal­tyn nasi­ha­t­taý, oqý­shylardyń dene daiarlyǵynyń deń­geiin kóterý – Qarýly Kúshterdiń basty usta­nymy. Jiyn sheńberinde jastardy sportqa mashyqtandyrý jáne intel­lektýaldyq qabiletin art­tyrý maqsatynda tanys­ty­­ry­lymdar, kórmeler, áskeri-qol­danbaly sport túrlerinen jarystar ót­kiziledi. Onyń negizgi maq­saty – jastar­dyń boiynda patriottyq sezimdi oiatý, Qazaqstan tarihy boiynsha bilim­deri men shyǵarmashylyq yntala­ryn anyqtaý, tanym­dyq bel­sen­­diligin arttyrý, inje­ner­lik-tehnikalyq min­detterdi oryndaý qabileti men dos­tyq qarym-qatynasta áre­ket etý­ge baýlý, salamatty ómir saltyn ustanýǵa beiimdeý. 

Burnaǵy jyldarǵa qaraǵanda, jarys túrlerine aitarlyqtai óz­gerister enip otyr. Jiyn baǵ­darlamasy «Erýdit» intel­lek­týaldyq oiyny, «Meniń rob­otym» robotehnikalyq kon­kýr­sy, pnev­ma­tikalyq vintovka­dan atý, bel­te­mirge tar­tylý, áskeri kross, koman­da­lyq pei­nt­bol, mega-art «Aibyn daýysy» fes­ti­­vali, «World of tanks» kom­piý­terlik oiynyn qamtidy. «Aibyn» jiyny jas­tar úshin otan­súi­gishtiktiń, dos­tyq­tyń jáne tulǵa bolyp qa­lyp­tasýdyń shynaiy mektebi. Biz – birlik týyn berik ustaǵan, bar­shaǵa úlgili kópultty elmiz. Sondyqtan da memleket úshin jas­tarǵa rýhani-adamgershilik tár­bie berý jáne shyn mánindegi patriotty daiyndaý óte mańyz­dy. Bul óz kezeginde memleket­ke jas­tardy patriottyq tár­bi­eleýdiń jańa modelin qa­lyp­tastyrýǵa kómektesedi. Áskeri-patriottyq uiymdar qozǵalystarynyń jumysyn jan­dandyryp, jastardy qa­zaqstandyq otanshyldyqqa tár­bie­leýge baǵyttalǵan jobalardy iske asyratyn bolady.

Muhamedjan TALASOV, general-maior, Bas shtab bastyǵynyń orynbasary – Qazaqstan Respýblikasy  Qarýly Kúshteri Bas shtaby Tárbie jáne ideologiialyq jumystar departamentiniń bastyǵy