Zańger ári qoǵam belsendisi Aigúl Orynbek shymkenttik kásipker, Túrkistan oblystyq máslihattyń depýtaty Áset Qaiypbekovtiń áiel adamdy uryp-soqqany týraly málimdedi, dep habarlaidy ult.kz.
Belsendiniń sózinshe, jelide taraǵan videodaǵy er adam birneshe jyl boiy shariǵat jolymen nekelesken áieline turaqty túrde kúsh kórsetip kelgen.
Zańgerdiń aqparatyna súiensek, depýtat óz yqpalyna senip, jaýapkershilikten jaltarmaq bolǵanyn alǵa tartty.
«Maǵan kómek surap taǵy bir áiel habarlasty. Jylap otyryp aitqan sóziniń ózi adamdy oilandyrady:
«Ol eshkimnen qoryqpaidy. Bailyǵy men bailanysyna senedi. Tipti sizge shyǵamyn desem de, “Aigúl Orynbektiń ózin ite…..n», – depti. Men únemi bir nárseni aityp kelemin: áielge qol kótergen adamdy aqtaityn eshqandai mártebe joq. Ol kásipker me, depýtat pa, sheneýnik pe – báribir. Zań bárine ortaq bolýy tiis», - dedi ol.
