Burynǵy Energetika ministri Maǵzum Myrzaǵaliev Prezident Qasym-Jomart Toqaevtyń keńesshisi qyzmetine taǵaiyndaldy, dep habarlaidy "Ult aqparat" Aqordanyń resmi saityna silteme jasap.
"Memleket basshysynyń ókimimen Maǵzum Maratuly Myrzaǵaliev Qazaqstan Respýblikasy Prezidentiniń keńesshisi laýazymyna taǵaiyndaldy", - delingen mátinde.
Aita keteiik, eks-ministr 1978 jyly Almaty qalasynda dúniege kelgen. 1999 jyly "Turan" ýniversitetin "ekonomist" mamandyǵy boiynsha támamdaǵan. Al 2003 jyly syrtqy ister ministrliginiń diplomatiialyq akademiiasyn "halyqaralyq qatynastar ekonomisi" boiynsha bitirdi.
- 2000-2001 jyldary – Aqmola oblystyq orman basqarmasynyń qarjy jáne ekonomikalyq taldaý bóliminiń bas mamany;
- 2001-2002 jyldary – MI Drilling Fluids International Atyraý bólimshesiniń tehnika qaýipsizdigi menedjeri;
- 2002-2004 jyldary – Hiýston (AQSh) jáne Kýala-Lýmpýr (Malaiziia) qalalarynda taǵylymdamadan ótti;
- 2004-2007 jyldary – "MI Drilling Fluids International" Aqtaý bólimshesiniń óndiris boiynsha menedjeri;
- 2007-2010 jyldary – "TeńizServis" JShS bas direktory;
- 2010-2012 jyldary – "QazMunaiGaz" UK" AQ servistik jobalar jónindegi basqarýshy direktory;
- 2012-2013 jyldary – "QazMunaiGaz" UK" AQ servistik jobalar men innovatsiialyq damý jónindegi basqarma tóraǵasynyń orynbasary;
- 2013 jyldyń qazanynan bastap – munai jáne gaz vitse-ministri;
- 2014 jyldyń tamyzynan bastap 2019 jyldyń maýsymyna deiin – energetika vitse-ministri;
- 2019 jyldan bastap 2021 jyldyń qyrkúiegine deiin ekologiia, geologiia jáne tabiǵi resýrstar ministri qyzmetin atqardy.
- 2021 jyldyń qyrkúieginen 2022 jyldyń qańtaryna deiin energetika ministrligin basqardy.
