Qaraǵandy oblysynda sý tasqyny kezinde iz-túzsiz joǵalǵan eks-depýtat Nurlan Súleimenovtiń denesi bir ai degende áreń tabylǵan bolatyn. Qutqarýshylardyń biri izdeý jumystarynyń nelikten sozylyp ketkenin túsindirdi.
Aleksandr Vitsýdyń aitýynsha, kásipkerdiń denesi ózen túbindegi shilikterge shyrmalyp qalǵan.
Sharýa qojalyǵynyń iesi joǵalǵannan eki kúnnen keiin onyń kóligi Nura ózeniń Tassýat aýyly mańyndaǵy ótkel tusynan tabylǵan, dep habarlady KTK.
Qyzyl sý joldan asqanda Súleimenov tizindegen kólik kópirden taiyp ketýi múmkin degen boljam boldy. Biraq onyń ózi tabylmai, el jurt qastandyq jasalýy múmkin dep san-saqqa júgirtti. Al týystary marqum kepilde otyr dep sońyna deiin úmit úzbegen. Degenmen kóliktiń kópirden aýyp ketkenin kórgender tabylypty. Sondyqtan izdeý jumystary toqtatylmai, ózen arnasynyń 170 shaqyrym jeri tekserilgen. Alaida 62 jastaǵy kásipkerdiń denesi kólik qulaǵan jerden nebári tórt shaqyrym jerden sý deńgeii tómendegende ǵana kóringen.
