QR Parlamenti Májilisiniń burynǵy depýtaty Zaǵipa Balieva Almaty qalasyndaǵy Qazaq ulttyq agrarlyq zertteý institýtynyń prorektory qyzmetine taǵaiyndaldy, dep habarlaidy "Ult aqparat".
«Rektorlar keńesiniń otyrysy boldy. Jiyn barysynda men ýniversitettiń strategiialyq damý jáne infraqurylym, tsifrlandyrý jónindegi prorektory bolyp taǵaiyndaldym. Jumysqa búgin kiristim», - dedi Z.Balieva.
Onyń aitýynsha, ýniversitette zerthana kóp.
«Munda ǵalymdar COVID-19 vaktsinasyn jasap jatyr. Professorlyq oqytýshylyq quram óte myqty», - dedi eks-depýtat.
Aita keteiik, Zaǵipa Balieva 1958 jyly Almaty oblysy Kegen aýdany Jalańash aýylynda týǵan. Kirov atyndaǵy memlekettik ýniversitetti zańger-quqyqtanýshy mamandyǵy boiynsha bitirgen.
Ár jyldary Ortalyq sailaý komissiiasynyń tóraiymy, Qazaqstannyń ádilet ministri, QR parlament májilisiniń depýtaty, Qazaqstandaǵy bala quqyqtary jónindegi ýákil qyzmetin atqarǵan.
Ol «Qurmet», «Parasat», «Kúmis alqa», «Qazaqstan Respýblikasynyń táýelsizdigine 10 jyl», «Qazaqstan Respýblikasynyń táýelsizdigine 20 jyl», «Qazaqstan Konstitýtsiiasyna 10 jyl» ordenderimen marapattalǵan.
