Eks-depýtat Nurtai Sabilianov alǵashqylardyń biri bolyp Prezident tapsyrmasymen qurylǵan "Qazaqstan halqy" qoryna 5 million teńge kóleminde qarjy aýdardy, dep habarlaidy Sputnik Qazaqstan.
Bul týraly ol óziniń facebook-tegi paraqshasynda jazdy.
"Prezidentimiz Qasym-Jomart Toqaevtyń usynystaryn, málimdemesin tyńdadyq. Tolyq qoldaimyz. Qurylatyn "Qazaqstan halqyna kómek" qoryna kásipker retinde 5 million teńge aýdaramyn, - dep jazdy Nurtai Sabilianov.
Aita keteiik, búgin Parlament Májilisiniń plenarlyq otyrysyna qatysqan Memleket basshysy Qasym-Jomart Toqaev "Qazaqstan halqyna" qoǵamdyq qoryn qurýdy tapsyrdy.
"Bul - halyq qory. Ol Prezidenttiń nemese Úkimettiń janynan qurylmaidy. Bedeldi baqylaý keńesi qurylady. Adal, jaýapty basshy taǵaiyndalady. Onyń qyzmeti tolyǵymen ashyq bolady, qoǵamǵa esep beredi. Josparlary, biýdjeti men jobalary saitta jariialanady. Búkil aqparat ashyq bolady", - dedi Prezident.
