Qazaqstanda EGov Mobile qosymshasynyń «tsifrlyq qujattar» bóliminen vaktsinatsiianyń elektrondy pasportyn alýǵa bolady, dep habarlaidy "Ult aqparat".
Bul jaiynda QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Facebook paraqshasynda jazdy.
«EGov Mobile qosymshasynyń «tsifrlyq qujattar» bóliminde vaktsinatsiianyń elektrondy pasporty qoljetimdi. Onda aqparat úsh tilde kórsetiledi: adam qandai preparattar aldy, qandai dozany jáne qai kúni qoldanǵany tur. Siz qujatty talap etken jerde kórsete alasyz jáne QR kodyn qoldana otyryp qajetińizge jaratasyz» dep jazdy ministr.
Onyń aitýynsha, qazir IATA halyqaralyq áýe kóligi qaýymdastyǵymen yntymaqtastyq máselesi qaralyp jatyr.
«Vaktsinatsiianyń bizdiń elektrondy pasportty qabyldaý jáne halyqaralyq júielermen kelisim ornatý mańyzdy. Bul baǵytta ári qarai jumys isteýimiz kerek. Aqparat retinde Siz EGov Mobile-da vaktsinatsiia pasportyn teksergen kezde joǵarǵy oń jaqtaǵy «Jańartý» batyrmasyn basqan kezde tsifrlyq qujattaǵy pasport ekinshi «dozany» alǵannan keiin ǵana kórsetiledi» deidi Baǵdat Mýsin.
