Kelesi jyly jalpy ishki ónim kem degende 2,8 paiyzǵa ósedi. Bul týraly QR Premer-Ministriniń birinshi orynbasary Álihan Smaiylov aitty, dep habarlaidy "Ult aqparat".
«Úkimet ekonomikamyzdyń barlyq salalaryn turaqty kózine ainaldyrýdy kózdep otyr. Degenmen sonyń ishinde eń aldymen óńdeý ónerkásibi, aýyl sharýyshylyǵy, kólik jáne týrizm salalarynyń áleýeti joǵary. Sondyqtan bul baǵyttarǵa basymdyq berilip otyr. Munai salasyna toqtalsaq, biylǵy 8 aidyń qortyndysy boiynsha byltyrmen salystyrǵanda munai salasynan keletin túsimder 46 paiyzǵa azaidy nemese 1,6 trln teńgege. Sonyń ishinde byltyrǵa qaraǵanda munaidy eksporttaýǵa keden bajynyń kólemi 350 mlrd teńgege kem boldy», - dedi Á. Smaiylov Úkimet úiinde ótken baspasóz máslihatynda.
Onyń sózine qaraǵanda, ekonomikany turaqtandyrý boiynsha Úkimet tarapynan keshendi jospar iske asyrylyp jatyr.
«Sonymen birge, Memleket basshysynyń tapsyrmalaryna sáikes, halyqqa jáne bizneske qosymsha kómek berý boiynsha tiisti qadamdar engizilýde. Kelesi jyly jalpy ishki ónim kem degende 2,8 paiyzǵa ósedi dep josparlap otyrmyz. Al orta merzimdi perspektivada ekonomikamyzdyń órleý qarqynyn 5 paiyzǵa jetkizýimiz kerek», - dedi QR Premer-Ministriniń birinshi orynbasary.
