Ekonomikalyq yntymaqtastyq uiymynyń (EYU) júldesi saltanatty túrde belgili qazaqstandyq antropolog ǵalym Orazaq Smaǵulovqa tabystaldy, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
Tiisti rásim «Ǵylym ordasy» ǵimaratynda ótti.
Is-sharaǵa QR Ulttyq ǵylym akademiiasynyń (UǴA) prezidenti Murat Jurynov, Halyqaralyq Túrki akademiiasynyń vitse-prezidenti Fýzýli Madjidli, QR SIM Almaty qalasyndaǵy Ókildiginiń basshysy Asqar Shoqybaev, ǵylymi orta men ziialy qaýym ókilderi qatysty.
Is-shara barysynda A. Shoqybaev QR Syrtqy ister ministriniń atynan estelik medal, úzdik marapattar gramotasy men 5000 AQSh dollary mólsherindegi qarjylyq syilyqtan turatyn EYU júldesin tabys etti.
Ókildik basshysy EYU júldesi O. Smaǵulovtyń antropologiia ǵylymynyń damýyna qosqan zor úlesiniń halyqaralyq deńgeide moiyndalýynyń bir belgisi ekenin atap ótti.
EYU júldesiniń jeńimpazdaryn 2021 jyly 28 qarashada Ashhabad qalasynda ótken Uiymnyń 15-shi sammiti barysynda múshe memleketter basshylary anyqtaǵan bolatyn.
O. Smaǵulov «Tarih, mádeniet, ádebiet jáne beineleý óneri» nominatsiiasynda jeńimpaz atandy.
Sonymen birge, saltanatty is-sharada Qazaqstan ǵylymynyń damýyna qosqan úlesi úshin kórnekti ǵalym, M. Áýezov atyndaǵy Ońtústik Qazaqstan memlekettik ýniversiteti janyndaǵy Respýblikalyq fizikalyq antropologiia ǵylymi-zertteý zerthanasynyń aǵa ǵylymi qyzmetkeri Ainagúl Smaǵulovaǵa Túrki akademiiasynyń altyn medali tabys etildi.
O. Smaǵulov – Qazaqstandaǵy antropologiia ǵylymynyń negizin qalaýshydardyń biri bolyp sanalady, tarih ǵylymdarynyń doktory, QR UǴA akademigi, Qazaqstannyń eńbek sińirgen ǵylym jáne tehnika qairatkeri, Bolonia ǵylym akademiiasynyń korrespondent múshesi.
