Qorshaǵan ortany qorǵaý kúniniń biylǵy taqyryby - «Qaita oilaný. Qaita qurý. Qalpyna keltirý». QR Ekologiia, geologiia jáne tabiǵi resýrstar ministri Maǵzum Myrzaǵaliev Twitter-degi paraqshasynda osylai jazdy, dep habarlaidy "Ult aqparat".
«Búgin, 5 maýsym - Dúniejúzilik qorshaǵan ortany qorǵaý kúni. Sonymen qatar, Qazaqstannyń ekologtarynyń kásibi merekesi. Búginde asa ózekti, kúrdeli salada eńbek etip jatqan áriptesterdi, ardagerlerdi merekemen quttyqtap, isterine tabys, densaýlyq tileimin», - dep jazdy ministr.
Onyń aitýynsha, osy kúni ekologiialyq problemalarǵa álem nazaryn aýdarý úshin túrli sharalar uiymdastyrylady.
«Biz «Birge - taza Qazaqstan» tazalyq aktsiiasyn dástúrge ainaldyrdyq.
Qorshaǵan ortany qorǵaý kúniniń biylǵy taqyryby - «Qaita oilaný. Qaita qurý. Qalpyna keltirý». Barsha otandastardy «qaita oilanyp», tabiǵat bailyqtaryn únemdi paidalanýǵa,janýarlar men ósimdikterge janashyrlyq tanytýǵa, ainalany taza ustap, ekologiialyq ómir saltyn ustanýǵa shaqyramyn», - dedi Maǵzum Myrzaǵaliev.
Dúniejúzilik qorshaǵan ortany qorǵaý kúni BUU Bas Assambleiasynyń sheshimimen 1972 jyly bekitilgen. BUU-nyń qorshaǵan ortany qorǵaý jónindegi baǵdarlamasyn basshylyqqa ala otyryp ótkiziledi.
