Ekologiia, geologiia jáne tabiǵi resýrstar ministri Maǵzum Myrzaǵaliev Aqtóbe oblysyna jumys saparymen keldi, dep habarlaidy "Ult aqparat" oblys ákiminiń baspasóz qyzmetine silteme jasap.
Ekologiia ministri eki kúndik jumys sapary barysynda Aqtóbe ferroqorytpa zaýytyndaǵy №4 tsehtyń jumysymen tanysty. Munda jumys barynsha avtomattandyrylǵan jáne qorshaǵan ortaǵa tigizer áseri az. Ministr kompaniia basshysyna №1, 2 tsehtardaǵy qaldyqty 30% azaityp, óndiristik qoqysty kádege jaratýǵa tapsyrma berdi. Keiin Maǵzum Myrzaǵaliev sý sharýashylyǵynyń jaǵdaiyn, irrigatsiialyq infraqurylymdy qurý jáne jańǵyrtý jumystarynyń barysyn bildi. Mártók aýdanynda «Milker» JShS-niń sýarmaly alqaptary men «Rad-Agro» JShS-niń paidalanýǵa berilgen «Turaqty sýarmalaýdyń syrtqy infraqurylymyn qalpyna keltirý» nysanyn aralady.
«Sizderde bul jumystyń oń nátijesi bar. Shrýalar jerdi igerip, joǵyshqa jinaý kólemin ulǵaityp jatyr. Shikizatty qaita óńdep, eksportqa shyǵarýda. Sondai-aq, taýarly-sút fermasyn damytý josparda bar. Alda óńirdegi sýarmaly jerlerdi 32 900 gektardan 69 967 gektarǵa deiin ulǵaitý mindeti tur», - dep atap ótti ministr.
Qarǵaly sý qoimasyn qarap shyǵyp, sýmen qamtamasyz etýdi jaqsartý úshin qalpyna keltirý baǵytyndaǵy problemalyq suraqtardy talqylady. Maǵzum Myrzaǵaliuly Qobda aýdanyna da bardy. Munda aýyl sharýashylyǵy daqyldarynyń túsimin arttyryp, óńirdi arzan jem-shóppen qamtamasyz etýge baǵyttalǵan jańa sýarý ádisi qoldanylady. Dál osy joba Temir, Oiyl aýdandarynda júzege asyrylýda. Qobda aýdanynyń Jirenqopa aýyldyq okrýginde ministr 3631 gektar alqaptaǵy «Aqbalshyq» sýarý júiesin qaita jańǵyrtý jumysymen tanysty. Munda qoldanystaǵy bógetterdi, jaǵalaýlar men sýdy retteitin qurylystardy qalpyna keltirý jumystary júrgizilýde.
Joba quny – 960 mln teńge. Oblys ákimi jobany júzege asyrýdyń joǵary áleýmettik-ekonomikalyq qaitarymy baryn jetkizdi.
«Qosymsha jumys orny ashylyp, kóldetip sýarý júiesiniń alqaby ulǵaiatyn bolady. Budan túsim artyp, mal jáne aýyl sharýashylyǵy damidy. Nysandardy kelesi jyldyń tamyz aiynda tapsyrý josparlanǵan. Biraq biz uzaq ýaqyt kúte almaimyz. Keler jyly sharýalar nátijesin kórý úshin jumysty biyl bitirýi kerek», - dep tapsyrdy oblys ákimi Ońdasyn Orazalin. Sapar sońynda ministr oblys ákimdiginde ótken jiynǵa qatysty. Onda jumys saparynyń nátijesi talqylanyp, óńirdegi ekolgoiialyq ahýaldy jaqsartý, iri jobalardy júzege asyrý boiynsha ózekti suraqtar kóterildi.
