ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ اقتٶبە وبلىسىنا جۇمىس ساپارىمەن كەلدٸ, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
ەكولوگييا مينيسترٸ ەكٸ كٷندٸك جۇمىس ساپارى بارىسىندا اقتٶبە فەرروقورىتپا زاۋىتىنداعى №4 تسەحتىڭ جۇمىسىمەن تانىستى. مۇندا جۇمىس بارىنشا اۆتوماتتاندىرىلعان جەنە قورشاعان ورتاعا تيگٸزەر ەسەرٸ از. مينيستر كومپانييا باسشىسىنا №1, 2 تسەحتارداعى قالدىقتى 30% ازايتىپ, ٶندٸرٸستٸك قوقىستى كەدەگە جاراتۋعا تاپسىرما بەردٸ. كەيٸن ماعزۇم مىرزاعاليەۆ سۋ شارۋاشىلىعىنىڭ جاعدايىن, يرريگاتسييالىق ينفراقۇرىلىمدى قۇرۋ جەنە جاڭعىرتۋ جۇمىستارىنىڭ بارىسىن بٸلدٸ. مەرتٶك اۋدانىندا «ميلكەر» جشس-نٸڭ سۋارمالى القاپتارى مەن «راد-اگرو» جشس-نٸڭ پايدالانۋعا بەرٸلگەن «تۇراقتى سۋارمالاۋدىڭ سىرتقى ينفراقۇرىلىمىن قالپىنا كەلتٸرۋ» نىسانىن ارالادى.
«سٸزدەردە بۇل جۇمىستىڭ وڭ نەتيجەسٸ بار. شرۋالار جەردٸ يگەرٸپ, جوعىشقا جيناۋ كٶلەمٸن ۇلعايتىپ جاتىر. شيكٸزاتتى قايتا ٶڭدەپ, ەكسپورتقا شىعارۋدا. سونداي-اق, تاۋارلى-سٷت فەرماسىن دامىتۋ جوسپاردا بار. الدا ٶڭٸردەگٸ سۋارمالى جەرلەردٸ 32 900 گەكتاردان 69 967 گەكتارعا دەيٸن ۇلعايتۋ مٸندەتٸ تۇر», - دەپ اتاپ ٶتتٸ مينيستر.
قارعالى سۋ قويماسىن قاراپ شىعىپ, سۋمەن قامتاماسىز ەتۋدٸ جاقسارتۋ ٷشٸن قالپىنا كەلتٸرۋ باعىتىنداعى پروبلەمالىق سۇراقتاردى تالقىلادى. ماعزۇم مىرزاعاليۇلى قوبدا اۋدانىنا دا باردى. مۇندا اۋىل شارۋاشىلىعى داقىلدارىنىڭ تٷسٸمٸن ارتتىرىپ, ٶڭٸردٸ ارزان جەم-شٶپپەن قامتاماسىز ەتۋگە باعىتتالعان جاڭا سۋارۋ ەدٸسٸ قولدانىلادى. دەل وسى جوبا تەمٸر, ويىل اۋداندارىندا جٷزەگە اسىرىلۋدا. قوبدا اۋدانىنىڭ جيرەنقوپا اۋىلدىق وكرۋگٸندە مينيستر 3631 گەكتار القاپتاعى «اقبالشىق» سۋارۋ جٷيەسٸن قايتا جاڭعىرتۋ جۇمىسىمەن تانىستى. مۇندا قولدانىستاعى بٶگەتتەردٸ, جاعالاۋلار مەن سۋدى رەتتەيتٸن قۇرىلىستاردى قالپىنا كەلتٸرۋ جۇمىستارى جٷرگٸزٸلۋدە.
جوبا قۇنى – 960 ملن تەڭگە. وبلىس ەكٸمٸ جوبانى جٷزەگە اسىرۋدىڭ جوعارى ەلەۋمەتتٸك-ەكونوميكالىق قايتارىمى بارىن جەتكٸزدٸ.
«قوسىمشا جۇمىس ورنى اشىلىپ, كٶلدەتٸپ سۋارۋ جٷيەسٸنٸڭ القابى ۇلعاياتىن بولادى. بۇدان تٷسٸم ارتىپ, مال جەنە اۋىل شارۋاشىلىعى داميدى. نىسانداردى كەلەسٸ جىلدىڭ تامىز ايىندا تاپسىرۋ جوسپارلانعان. بٸراق بٸز ۇزاق ۋاقىت كٷتە المايمىز. كەلەر جىلى شارۋالار نەتيجەسٸن كٶرۋ ٷشٸن جۇمىستى بيىل بٸتٸرۋٸ كەرەك», - دەپ تاپسىردى وبلىس ەكٸمٸ وڭداسىن ورازالين. ساپار سوڭىندا مينيستر وبلىس ەكٸمدٸگٸندە ٶتكەن جيىنعا قاتىستى. وندا جۇمىس ساپارىنىڭ نەتيجەسٸ تالقىلانىپ, ٶڭٸردەگٸ ەكولگوييالىق احۋالدى جاقسارتۋ, ٸرٸ جوبالاردى جٷزەگە اسىرۋ بويىنشا ٶزەكتٸ سۇراقتار كٶتەرٸلدٸ.
