Ekstrakorporaldi uryqtandyrý jasatpai turyp, koronavirýsqa qarsy vaktsina saldyrǵan durys. Bul týraly Qazaqstannyń reprodýktivti meditsina qaýymdastyǵynyń prezidenti Viachaslav Lokshin aitty, dep habarlaidy QazAqparat.
«Qosalqy reprodýktivtik tehnologiialar jaiynda aitar bolsaq, ózderińizde bilesizder, biyl «Ańsaǵan sábi» baǵdarlamasy bastaldy. Onyń aiasynda 7 myń kvota bólinip otyr. Qazirgi ýaqytta jasandy jolmen uryqtandyratyn ortalyqtarǵa keletin patsientter belsendiligi arta túsýde. Bul rette barynsha saqtyq tanytý qajet nemese EKO jasatardyń aldynda ózińdi qorǵaý úshin vaktsina saldyrǵan durys», - dedi ol Ortalyq kommýnikatsiialar qyzmetindegi baspasóz máslihatynda.
Bilikti mamannyń aitýynsha, koronavirýs spermatogenezge áser etedi. Iaǵni, turaqty bolmasada da úsh aiǵa sháýet jasýshasy sanynyń jáne sapasynyń tómendeýi anyqtalǵan.
«Sondyqtan da EKO baǵdarlamasyna daiyndalǵan kezde karantin talaptaryn barynsha qatań saqtaý qajet», - dedi Viachaslav Lokshin.
