Ýkrainanyń Polsha shekarasyna kelip turǵan azamattary. 24 aqpan 2022 jyl
Ýkrainanyń Resei basqynshylyǵynan qaýiptengen ondaǵan myń azamaty irgeles Polsha, Slovakiia, Vengriia jáne Moldova jerine ótýge tyrysyp jatyr. Bul jóninde VVS jazdy, dep habarlaidy Azattyq.
Resei shabýyly bastalǵaly 3 kún ishinde bir ǵana Ýkraina-Polsha shekarasynan 115 myń adam ótken. Kóp adam shekaraǵa artyq zatsyz, jaiaý-jalpy jetken. Keibir shekara pýnktterindegi kezek 15 shaqyrym bolǵan.
Bosqyndardyń basym kópshiligi - áielder men balalar. Mobilizatsiiaǵa ilinetin 18 ben 60 jas aralyǵyndaǵy er-azamattar Ýkrainadan shyǵarylmaidy. Bul - Ekinshi dúniejúzilik soǵystan keiingi jańa tarihta Eýropada bolǵan asa iri gýmanitarlyq daǵdarys. Sarapshylardyń sózinshe júzdegen myń otbasy bir-birinen ajyrap qalǵan.
Lvovta bosqyndar Polshaǵa tegin aparatyn poiyzdan oryn tappai jatyr. Olar úshinshi sostavtan da qalyp jatyr.
Buǵan deiin BUU Resei Ýkrainaǵa shabýyl jasaǵan eki kúnnen beri kemi 150 myń adam Ýkrainany tastap ketýge májbúr bolǵanyn habarlaǵan.
