Foto: aikyn.kz Almasadam Sátqaliev
Búgin úkimettiń keńeitilgen otyrysynda Prezident ekinshi AES-tyń ornyn anyqtaýdy tapsyrdy. Elde ekinshi AES salynatyny da belgili boldy. Energetika ministri Almasadam Sátqaliev ekinshi atom elektr stantsiiasy boiynsha referendým ótkizýge qatysty pikir bildirdi, dep habarlaidy Ult.kz.
Energetika ministriniń aitýynsha, ekinshi atom elektr stantsiiasyn salý úshin jalpyhalyqtyq referendým ótkizýdiń qajeti joq.
"Referendým ótkizýdiń qajettiligi joq. Zańnamaǵa sáikes, atalǵan stantsiia úkimettiń sheshimi boiynsha salynatyn bolady", - dedi Sátqaliev.
Odan bólek, ministr Balqash jaqynynda salynatyn AES-ty salý sharalaryna toqtaldy. Onyń aitýynsha, qazirgi kezde barlyq vendormen kelissózder júrgizildi. Endi arnaiy komissiia óz jumysyna kirisedi. Mamandar AES salatyn kompaniialardy anyqtaidy.
"Qazir talqylanyp jatqan elderdiń bári konsortsiýmǵa enýi múmkin", - dep atap kórsetti Sátqaliev.
