© Sputnik / Ramil Sitdikov
Ekibastuz soty qoǵamdy dúr silkindirgen isti qarady - áiel óziniń kishkentai balasyn ashtan óltirdi dep aiyptaldy, dep hbarlaidy «Ult aqparat» Sputnik Qazaqstanǵa silteme jasap.
Sot isti "Abaisyzda adam ólimine ákep soǵý" baby (QK 104-babynyń 1-bóligi) boiynsha qarady.
Sotta anyqtalǵandai, áiel 2023 jyldyń 10 qarashasy men 17 qarashasy aralyǵynda óziniń segiz ailyq balasyna qylmystyq nemqurailylyq tanytyp, ony jetkilikti mólsherde tamaqtandyrmaǵan, sonyń saldarynan bala qaitys bolǵan. Bul týraly Pavlodar oblystyq sotynyń baspasóz qyzmeti habarlady.
Sottalýshy óz kinásin moiyndady. Nátijesinde áiel bir jylǵa bas bostandyǵynan aiyryldy.
Sottalýshynyń taǵy eki balasy bilim bóliminiń qamqorlyǵyna alynyp, anasynyń ata-ana quqyqtary shekteldi.
Úkim zańdy kúshine engen joq.
