© Sputnik / راميل سيتديكوۆ
ەكٸباستۇز سوتى قوعامدى دٷر سٸلكٸندٸرگەن ٸستٸ قارادى - ەيەل ٶزٸنٸڭ كٸشكەنتاي بالاسىن اشتان ٶلتٸردٸ دەپ ايىپتالدى, دەپ حبارلايدى «ۇلت اقپارات» Sputnik قازاقستانعا سٸلتەمە جاساپ.
سوت ٸستٸ "ابايسىزدا ادام ٶلٸمٸنە ەكەپ سوعۋ" بابى (قك 104-بابىنىڭ 1-بٶلٸگٸ) بويىنشا قارادى.
سوتتا انىقتالعانداي, ەيەل 2023 جىلدىڭ 10 قاراشاسى مەن 17 قاراشاسى ارالىعىندا ٶزٸنٸڭ سەگٸز ايلىق بالاسىنا قىلمىستىق نەمقۇرايلىلىق تانىتىپ, ونى جەتكٸلٸكتٸ مٶلشەردە تاماقتاندىرماعان, سونىڭ سالدارىنان بالا قايتىس بولعان. بۇل تۋرالى پاۆلودار وبلىستىق سوتىنىڭ باسپاسٶز قىزمەتٸ حابارلادى.
سوتتالۋشى ٶز كٸنەسٸن مويىندادى. نەتيجەسٸندە ەيەل بٸر جىلعا باس بوستاندىعىنان ايىرىلدى.
سوتتالۋشىنىڭ تاعى ەكٸ بالاسى بٸلٸم بٶلٸمٸنٸڭ قامقورلىعىنا الىنىپ, اناسىنىڭ اتا-انا قۇقىقتارى شەكتەلدٸ.
ٷكٸم زاڭدى كٷشٸنە ەنگەن جوق.
