Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qylmys

Eki óńirdegi arnaiy operatsiia: uiymdasqan qylmystyq top músheleri ustaldy

Ult portaly
Eki óńirdegi arnaiy operatsiia: uiymdasqan qylmystyq top músheleri ustaldy


Esirtki qylmysyna qarsy is-qimyl bólimi Qostanai oblysynda marihýananyń kóterme partiiasyn jetkizýmen jáne ótkizýmen ainalysqan uiymdasqan qylmystyq topty (UQT) quryqtaý boiynsha aýqymdy operatsiia júrgizdi, - dep habarlaidy Tengrinews.kz tilshisi Polisia.kz saityna silteme jasap.

UQT-nyń 11 múshesin ustaý eki óńirde - Qostanai jáne Jambyl oblystarynda júrgizilgen. Belgilengen barlyq mekenjaida bir ýaqytta júrgizilgen tintý barysynda politsiia qyzmetkerleri asa iri kólemdegi esirtki zattaryn, qarý-jaraqty, aqshany tárkilegen.

"Qylmyskerlerdiń birin tintý kezinde jatyn bólmeden sintetikalyq 20 gramnan asa iri mólsherde - mefedron preparaty, "ÝAZ-Patriot" avtomobilinen 20 gramm gashish alyndy.

Úi aýmaǵynda qoqys konteinerinen 30 keli marihýana salynǵan qap tabyldy. Oǵan jaqyn mańdaǵy bóshkede 30 keli marihýana salynǵan taǵy bir qap tabyldy", - delingen saitta.

Vedomstvo málimetinshe, UQT-nyń ekinshi múshesinen úidi tintý kezinde balkonda saqtalǵan marihýana salynǵan segiz paket tárkilengen. Sondai-aq, 20 keli marihýana salynǵan sómke, elektron tarazylar, ólsheýish staqandar, tórt uialy telefon, tólem kartalary tabylǵany aityldy. 

"Ustalǵan adamnyń avtokóliginiń artqy oryndyǵynan jáne júksalǵyshynan 100 keliden asa marihýana oralǵan taǵy bes sómke men 47 paket tabyldy. Taǵy bir ustalǵan azamattyń aýlasyndaǵy sharýashylyq qurylysynan 30 keli marihýana salynǵan taǵy bir qap tárkilendi. UQT-ǵa qatysýshy jalǵyz áielden marihýana salynǵan bes qapshyq, elektron tarazy, tirkelmegen "IJ-17" ańshylyq myltyǵy alyndy. Barlyǵy 200 keliden asa marihýana, 20 gramm mefedron, 20 gramm gashish, qylmystyq árekette paidalanylatyn alty avtomobil, pnevmatikalyq myltyq pen tapansha, úsh ańshylyq myltyq, patron, 24 uialy telefon, 18 tólem bank kartasy jáne esirtki satyp alýǵa arnalǵan million teńgege jýyq aqsha tárkilendi", - delingen habarlamada.

Qylmyskerler Jambyl oblysynyń Shý aýdanynda keptirilgen qarasora men gashishti kóterme partiialarmen satyp alyp, ony eldiń soltústik aimaqtaryna ákelip satqan. Qylmystyq toptyń ár múshesiniń mindetteri bolǵan. Olardyń birqatary jetkizýshilerdi izdestirip, basqalary saqtaý men satýdy, sondai-aq esirtki tasymaldaýdy uiymdastyryp otyrǵan. Toptyń uiymdastyrýshysy jáne kóshbasshysy - Qostanai oblysynyń 35 jastaǵy turǵyny.

Sonymen qatar, biyl 21 qazanda adam óltirdi degen kúdikpen izdestirilip júrgen Rýdnyi qalasynyń 36 jastaǵy turǵyny anyqtalyp, ustaldy. Ustalǵan azamat kinásin moiyndady. Ustalǵandardyń bári ÝUI-ǵa qamalǵan.

QR QK-nyń 297-baby 3-bóligi ("Adamdar tobynyń aldyn ala sóz bailasýy boiynsha jasalǵan asa iri mólsherde esirtki, psihotroptyq zattardy, sol tektesterdi zańsyz iemdený, saqtaý, tasymaldaý ne ótkizý") boiynsha qylmystyq is qozǵalǵan.

Oqi otyryńyz