QR Sybailas jemqorlyqqa qarsy is-qimyl agenttiginiń Pavlodar jáne Qyzylorda oblystary boiynsha departamentterine jańa basshylar taǵaiyndaldy, dep habarlaidy "Ult aqparat".
Pavlodar oblysynyń ákimi Ábilqaiyr Sqaqov ákimdikte ótken otyrysta Sybailas jemqorlyqqa qarsy oblystyq departamentiniń jańa basshysy Ernar Baianǵazindi tanystyrdy. Ákimdik otyrysyna aimaqqa jumys saparymen kelgen QR Sybailas jemqorlyqqa qarsy is-qimyl agenttigi tóraǵasynyń orynbasary Nurlan Shabdar qatysty.
Ábilqaiyr Sqaqov Ernar Baianǵazinniń tájiribesin atap ótip, onyń aldaǵy jumysyna tabys tiledi.
Ernar Baianǵazin 1978 jyly Shyǵys Qazaqstan oblysynda dúniege kelgen. 2000 jyly Qazaqstan Respýblikasy Ulttyq qaýipsizdik komitetiniń akademiiasyn bitirdi. 2000-2018 jyldar aralyǵynda elimizdiń ulttyq qaýipsizdik organdarynda qyzmet etti.
Qazirgi qyzmetine deiin QR Sybailas jemqorlyqqa qarsy is-qimyl agenttiginiń Soltústik Qazaqstan oblysyndaǵy departamentin basqardy. Al oǵan deiin ol QR Memlekettik qyzmet isteri jáne sybailas jemqorlyqqa qarsy is-qimyl agenttigi Sybailas jemqorlyqqa qarsy is-qimyl ulttyq biýrosy (Sybailas jemqorlyqqa qarsy qyzmet) ishki qaýipsizdik basqarmasynyń basshysy qyzmetin atqarǵan.
Sondai-aq búgin Qyzylorda oblysy ákimdiginde ótken jiynda QR Sybailas jemqorlyqqa qarsy is-qimyl agenttigi tóraǵasynyń birinshi orynbasary Oljas Bektenov agenttiktiń atalmysh óńir boiynsha departamentiniń jańa basshysy Qanat Qojahmetovti tanystyrdy.
Óńir basshysy Gúlshara Ábdiqalyqova jańadan taǵaiyndalǵan Qanat Qojahmetovti qyzmetimen quttyqtady. Sondai-aq aldaǵy ýaqytta Memleket basshysy qoiǵan mindetterdi birlesip atqarýda jumysyna sáttilik tilep, senim bildirdi.
Qanat Qojahmetov 1965 jyly Almaty qalasynda týǵan. Ishki ister ministrliginiń Qaraǵandy joǵarǵy mektebin jáne Resei Federatsiiasy Prezidenti janyndaǵy memlekettik akademiiasyn bitirgen.
Eńbek jolyn ishki ister organdarynda 1987 jyly bastaǵan.
1987-2009 jyldar aralyǵynda Shyǵys Qazaqstan, Qaraǵandy, Almaty oblystarynda jáne Almaty qalasynyń ishki ister organdarynda, 2009-2018 jyldary ishki ister ministrliginde túrli laýazym atqardy.
2018 jyldyń qyrkúiek aiynan bastap QR Sybailas jemqorlyqqa qarsy is-qimyl agenttigine aýysty.
2020 jyldyń aqpan aiynan bastap osy kezge deiin Sybailas jemqorlyqqa qarsy is-qimyl agenttiginiń Atyraý oblysy boiynsha departamenti basshysynyń orynbasary qyzmetin atqaryp keldi.
