Qazaqstandyq kásipqoi boksshy Batyr Júkembaev kezekti jekpe-jeginde jeńiske jetti, - dep habarlaidy QazAqparat.
«Riki» laqap atty meksikalyq Rikardo Laraǵa qarsy (22-7, 10KO) aiqas Kanadanyń Monreal qalasynda «Montreal Casino arenasynda» ótti.
Ony «Habar» arnasy tikelei efirden kórsetti.
Batyr Júkembaev birinshi raýdtan-aq belsendi aiqasqa kiristi. Al ekinshi raýndta opponentin eki ret aýyr nokdaýnǵa túsirdi. Osydan keiin meksikalyq boksshynyń ókilderi jekpe-jekti jalǵastyrýdan bas tartty. Tóreshilerdiń biraýyzdy sheshimimen jeńisti qazaq boksshysyna berdi.
Osylaisha, B.Júkembaev kásipqoi bokstaǵy 18-inshi kezdesýin 18-inshi jeńispen aiaqtady. Onyń 14-inde qarsylasyn nokaýtqa jebirgen.
Aita ketsek, áýelde Júkembaevtyń IBF Latino chempiony argentinalyq Maksimiliano Rikardo Veronǵa (12-3-1, 4 KO) qarsy aiqasatyny jariialanǵan edi. Alaida bul sheshim aiaq astynan aýystyrylyp, opponent retinde Rikardo Lara belgilendi.
28 jastaǵy Batyr sońǵy ret ringke 2019 jyldyń qyrkúieginde Kanadada shyqqan bolatyn. Onda tóreshilerdiń biraýyzdy sheshimimen jeńiske jetti. Halyqaralyq boks uiymynyń (IBO) reitinginde ol óz salmaǵynda 11-shi orynda tur.
